تحریک منہاج القرآن کے امیرِ برائے یورپ علامہ حسن میر قادری نے اپنے دورہ سپین کے دوران جامع مسجد منہاج القرآن ، بارسلونا میں نمازِ جمعہ کے اجتماع سے خطاب کیاجس میں انہوں نے خطاب کے لیے معراج النبی صلی اللہ علیہ وسلم کے موضوع کا انتخاب کیا ، اس عظیم الشان اجتماع میں بارسلونا بھر سے عشاقِ رسول صلی اللہ علیہ وسلم نے کثیر تعداد میں شرکت کی ۔

علامہ حسن میر قادری نے اپنے خطاب کا آغاز سورۃ نجم کی آیاتِ بینات سے کیا اور کہا کہ اللہ تعالیٰ نے اپنے سب سے پیارے نبی حضرت محمدصلی اللہ علیہ وسلم سے ملاقات کے لیے 27 رجب کی رات کو منتخب کیا اور اپنے پاس بلا کر اپنے حبیب صلی اللہ علیہ وسلم سے جو باتیں کی ان کی تفصیل ہمیں احادیث نبوی سے ملتی ہی، آقائے دو جہاں صلی اللہ علیہ وسلم نے وہاں مالا ءاعلیٰ اور لامکاں پر بھی اپنی امت کو نہیں بھلایا اور وہاں بھی اپنی امت کے لیے خداوند قدوس سے بخشش مانگتے رہے، اللہ تعالیٰ نے جب 50 نمازوں کا تحفہ دیا تو حضرت موسیٰ علیہ السلام سے ملاقات کے بعد 9 مرتبہ نمازوں کی تعداد کو کم کروانے کے لیے بارگاہِ خداوندی تشریف لے گئے۔

علامہ حسن میر قادری نے کہا امت کو چاہیے کہ نماز جیسے تحفہ خداوندی کی قدر کرتے ہوئے اس کو اپنی زندگیوں میں شامل کرکے دینی و دنیوی مشکلات سے سے چھٹکارا حاصل کرے ۔ 
 

جامع مسجد منہاج القرآن بارسلونا میں 9 اگست بروزجمعرات کو شب بیداری کا اہتمام کیا گیا جس میں بارسلونا میں بسنے والے اہلِ اسلام نے کثیر تعداد میں شرکت کی، اس محفل میں نوجوانوں اور بچوں کی تعدا د دیدنی تھی ۔

 نمازِ مغرب کے بعد محفل کا آغاز تلاوتِ قرآن کریم سے ہوا جس کی سعادت حافظ عبد الرزاق نے حاصل کی ، نمازِ عشاءتک ثناءخوانانِ مصطفی صلی اللہ علیہ وسلم نے بارگاہِ رسالت مآب میں گلہائے عقیدت پیش کیی، ان خوش قسمتوں منہاج نعت کونسل کے آصف فریدی، منہاج چلڈرن لیگ کے اصفہان لیاقت، انعام حسین، علی اصغر، عاطف فاضل ، منہاج یوتھ لیگ کے حافظ محمد اسد ، محمد شفیق اور دیگر حاضرین میں سے قاری عبد الرحمان، حافظ جنید اسلم، محمد جلیل ،حیدر علی اور مقبول الٰہی شاکرشامل ہیں ۔





بعد از نمازِ عشاءامیرتحریک منہاج القرآن یورپ علامہ حسن میر قادری کو دعوتِ خطاب دی گئی جنہوں نے آیاتِ قرآنی اور احادیث نبوی کا حوالہ دیتے ہوئے اپنے خطاب کا موضوع ٬٬عشق رسول صلی اللہ علیہ وسلم اور نسبتِ محمدی کی فضیلت ،،بنایااور آخر میں سفرِ معراج کے دوران پیش آنے والے واقعات کو تفصیل سے بیان کیا ۔

انہوں نے کہا انبیاءکرام ،فرشتوں اور تمام امتیوں کو حضور صلی اللہ علیہ وسلم کے دیدار کا شوق ہی، اللہ تعالیٰ نے انبیاءکرام کا یہ شوق سفرِ معراج کے دوران بیت المقدس میں پورا کرایا تھا اور جس امتی کو بھی شوقِ دیدار ہوتا ہے وہ مدینہ منورہ لازمی جاتا ہی، حضرت موسیٰ علیہ السلام کا شوق سب سے زیادہ تھا انہوں نے اپنی قبر، بیت المقدس، چھٹے آسمان اور پھر واپسی پر بھی دیدارِ مصطفی کیا ، انہوں نے بتایا کہ حضرت موسیٰ اپنی قبر میں کھڑے ہو کر آقاعلیہ السلام پر درود پڑھ رہے تھے ، جبکہ سفرِ معراج میں فرشتوں نے دیدارِ نبوی کی سعادت سدرۃ المنتہی پر حاصل کی ۔

خطاب کے آخر میں انہوں نے نماز کی فضیلت بیان کی اور کہا کہ نماز اللہ تعالیٰ کی طرف سے اپنے محبوب کی امت کے لیے تحفہ ہی، انہوں نے کہا کہ نماز مومن کی معراج اس لیے ہے کہ جب نماز پڑھتے ہیں تو سفرِ معراج کی یاد تازہ ہوتی ہے ، انہوں نے کہا کہ نماز وہ چیز ہے جو زمین پر فرض نہیں ہوئی ۔


انہوں نے کہا کہ جب کوئی آقادوجہاں صلی اللہ علیہ وسلم پر درود پڑھتا ہے تو ثواب ملتا ہی، جب کوئی سلام پڑھتا ہے تو جواب ملتا ہے اور جب کوئی دونوں کام کرتا ہے تو اس کو دیدارنصیب ہوتا ہے ۔



انہوں نے بتایا کہ تحریکِ منہاج القرآن کے مرکز پر گوشہ درود بنایا گیا ہے جس میں 24 گھنٹے آقا صلی اللہ علیہ وسلم پر درود پڑھا جاتا ہی، گوشہ درود میں بیٹھنے والا روزہ سے ہوتا ہے اور یہ کام بغیر کسی وقفہ کے ہر وقت جاری رہتا ہے ، انہوں نے بتایا کہ تحریک منہاج القرآن کی اعتکاف گاہ میں حرمین شریفین کے بعد دنیا کا سب سے بڑا اعتکاف ہوتا ہے جس میں اس سال 25 سی 30 ہزار مرد و خواتین شرکت کریں گے ۔

خطاب کے بعد چائے کا وقفہ کیا گیا اور نمازِ تسبیح کی جماعت ہوئی اور علامہ عبد الرشید شریفی نے خصوصی دعا کرائی، انفرادی عبادت کے بعدشرکاءنے نفلی روزہ کے لیے سحری کی جس کاانتظام منہاج القرآن انٹرنیشنل سپین کی نظامتِ اجتماعات نے کیا جبکہ دیگر انتظامات منہاج یوتھ لیگ سپین نے سر انجام دیئے ۔ ۔ نمازِ فجر کے پر اس خصوصی محفل کا اختتام ہوا ۔

فُل سائز تصاویر

گزشتہ دنوں امیر تحریک منہاج القرآن یورپ علامہ حسن میر قادری کے دورہ سپین کے موقع پر کتالونیا کے جنوبی شہر تورتوسا میں ایک خصوصی محفل کا انعقاد کیا گیا جس میں مقامی پاکستانی باشندوں نے کثیر تعداد میں شرکت کی ۔ منہاج القرآن انٹرنیشنل سپین (بارسلونا )کی تنظیم سے محمد اقبال چوہدری، محمد نواز کیانی ،حاجی محمد نذیر اداسی،علامہ عبد الرشید شریفی، نوید اصغر، خرم شبیر اور ذیشان علی نے شرکت کی ۔ محفل کا انعقاد ایک مقامی مسجد میں کیا گیا جس کی انتظامیہ میں وہاں کے رہنے والے پاکستانی اور مراکشی باشندے شامل ہیں۔تورتوسا میں یہ اپنی نوعیت کی پہلی محفل تھی جس کی میزبانی کا شرف ممتاز سماجی شخصیت ممتاز حیدر شاہد نے حاصل کیا ۔ تورتوسا پہنچنے پر علامہ حسن میر قادری کا پرتپاک استقبال کیا گیا ، مقامی بچوں نے ان کو پھول پیش کیے ۔

محفل کا آغاز تلاوتِ قرآن کریم سے منہاج القرآن بارسلونا کے خطیب علامہ عبد الرشید شریفی نے کیا اور نعتِ رسول مقبول محمد بابر نے پیش کی ۔ علامہ حسن میر قادری کو دعوتِ خطاب دی گئی انہوں نے اپنے خطاب کا موضوع کلمہ طیبہ کو بنایا اور کہا کہ کلمہ طیبہ کی جڑیں مکہ معظمہ اور مدینہ منورہ میں ہیں جبکہ پوری دنیا میں اس کی شاخیں اور پتے پھیلے ہوئے ہیں ، شاخیں اور پتے کٹ سکتے ہیں لیکن پھر پیدا ہو جاتے ہیں، سپین میں بھی یہ شاخیں ایک مرتبہ کٹی جا چکی ہیں اب ضرورت اس بات کی ہے کہ ہم ان شاخوں کی ازسرِ نو ہریالی کے لیے کوشش کریں اور اس کے لیے ہم سب کو اس معاشرہ میں ایک مثال بننا ہو گا، اپنے اخلاق کو درست کر کے اسلام کی اصل تصویر پیش کرنا ہو گی، تحریک منہا ج القرآن کا مشن بھی یہی ہے ۔علامہ حسن میر قادری نے بتایا کہ لاہور میں تحریکِ منہاج القرآن کے زیرِ انتظام حرمین شرفین کے بعد دنیا کا سب سے بڑا اعتکاف انعقاد پذیر ہوتا ہے جس میں اس سال تیس ہزار سے زائد لوگ شرکت کریں گے ۔

امیرِ تحریک منہاج القرآن یورپ علامہ حسن میر قادری اور منہاج القرآن انٹرنیشنل سپین (بارسلونا)کے سیکریٹری جنرل محمد اقبال چوہدری نے مقامی افراد کو کامیاب محفل کے انعقاد پر مبارک باد پیش کی ۔

محفل کے اختتام پر منہاج القرآن انٹرنیشنل تورتوسا کی تنظیم سازی کی گئی جس کے ذمہ داران کی فہرست کچھ یوں ہے ۔ صدر(امجد تارڑ)، سینئر نائب صدر( حاجی محمد نواز) ، نائب صدر(محمد بابر) ، سیکریٹری جنرل(ممتاز حیدر)، جوائنٹ سیکریٹری(ابرار شاہ) ، ناظمِ مالیات(طاہرمحمود) ، ناظمِ نشر و اشاعت (غلام دستگیر بٹ) ، نائب ناظمِ نشر و اشاعت (محمد ارفاق کیانی )اور کوارڈینیٹر(بشارت حسین)۔

علامہ حسن میر قادری نے ذمہ داران کو تحریک ِ منہاج القرآن کے مشن کے متعلق آگاہ کیا، ان کو مبارک باد پیش کی اور ان کے لیے خصوصی دعا کی ۔

فُل سائز تصاویر

گزشتہ دنوں منہاج القرآن انٹرنیشنل سپین کے زیرِ انتظام جامع مسجد منہاج القرآن بارسلونا میں ماہانہ گیارہویں شریف کا پروگرام انعقاد کیا گیا جس میں فرزندانِ اسلام نے کثیر تعداد میں شرکت کی ۔

محفل کا آغاز نمازِ عصر کے بعد تلاوتِ قرآن مجید سے ہوا جس کی سعادت جامع مسجدکے طالب علم حافظ عاطف احتشام نے حاصل کی جبکہ نعت رسول مقبول کی سعادت محمد عتیق، حسنات مصطفی، محسن صدیقی، علی حیدر ، محمد جلیل، محمد شفیق، عاطف احتشام، بابا جلال، آصف فریدی اور انعام حسین نے حاصل کی۔



نعت رسول مقبول کے بعد حافظ عبد الرزاق صاحب کو دعوتِ خطاب دی گئی، انہوں نے اپنے خطاب میں حدیثِ نبوی کو موضوع بنایا اور کہا کہ جو لوگ نیک اعمال کرتے ہیں ان کے لیے اللہ تعالیٰ کی طرف سے بے شمارانعامات کی بشارات ہیں اور تاریخ میں ان کو آنے والی نسلیں ہمیشہ یاد رکھتی ہیں۔انہوں نے شرکاء محفل کو حسد سے بچنے کی تلقین کی اور بتایا کہ فرمانِ رسول کے مطابق حسد نیکیوں کو ایسے کھا جاتا ہے جیسے آگ لکڑی کو کھا جاتی ہے ۔

اس محفل میں نقابت کے فرائض منہاج القرآن انٹرنیشنل سپین کے سیکریٹری جنرل محمد اقبال نے سر انجام دیی، اس موقع پر انہوں نے کہا کہ ہمیں اپنے بچوں کو اس طرح کی محافل میں اپنے ساتھ لے کر آنا چاہیی، تاکہ وہ اپنے دین کو سیکھ سکیں۔انہوں نے حاضرین کوخوشخبری سناتے ہوئے کہا کہ شیخ الاسلام ڈاکٹر محمد طاہر القادری کا ترجمۃ القرآن عرفان القرآن اب ہمارے پاس موجود ہے جو کہ مسجد لائبریری سے حاصل کیا جا سکتا ہے ۔


نمازِ مغرب کے وقت شرکاءکی تعداد دیدنی تھی، بعد از مغرب خصوصی دعا کی گئی اور حاضرین میں گیارہویں شریف کا تبرک تقسیم کیا گیا جس کا انتظام ناظمِ اجتماعات حاجی محمد نذیر اداسی نے منہاج یوتھ لیگ سپین کے نوجوانوں کی معاونت سے کیا ۔

فُل سائز تصاویر

اتواریکم اپریل کو شام 5 بجے بارسلونا میں منہا ج القرآن انٹرنیشنل سپین کے زیرِ اہتمام محفلِ عید میلاد النبی کا انعقاد کیا گیا جس میں عاشقانِ مصطفی نے کثیر تعداد میں شرکت کی ۔

محفل کا آغاز تلاوتِ قرآن کریم سے امام جامع مسجد منہاج القرآن حافظ عبد الرزاق نقشبندی نے کیا جس کے بعد ثناء خوانانِ مصطفی صلی اللہ علیہ وسلم نے بارگاہِ رسالتِ مآب میں گلہائے عقیدت پیش کیے ، ان خوش قسمتوں میں منہاج نعت کونسل سپین کے سربراہ قدیر احمد خان، محمد جلیل، آصف بیگ ، محمد عتیق، حیدر علی فاروقی اور محمد عثمان شامل ہیں ، اس موقع پر منہاج القرآن کی طالبات نے گروپ کی صورت میں عربی زبان میں نعتِ رسول مقبول صلی اللہ علیہ وسلم پیش کی جس کو حاضرین نے بہت پسند کیا ۔

سفیرِ یورپ تحریک منہاج القرآن الشیخ علامہ حافظ نذیر احمد قادری (ہالینڈ)کو دعوتِ خطاب دی گئی انہوں نے اپنے خطاب میں آقائے دوجہاں صلی اللہ علیہ وسلم کی حدیث پاک کو موضوع بنایا اور کہا کہ نورِ محمدی اپنی تخلیق سے ولادت تک پاک پشتوں اور پاک رحموں میں منتقل ہوتا آیا ہے اس لیے آپ صلی اللہ علیہ وسلم کے پورے شجرہ نسب میں کوئی بھی ایسی شخصیت نہیں ہے جو توحید پرست نہ ہو ، علامہ صاحب نے حضور صلی اللہ علیہ وسلم کے شجرہ نسب کو آپ کے والدِ گرامی حضرت عبد اللہ بن عبد المطلب سے لے کر حضرت اسماعیل علیہ السلام تک بیان فرمایااور کہا کہ یہ سب شخصیات اپنے دور کی منفرد اور عظیم شخصیات تھیں ، انہوں نے بتایا کہ آج کے دور میں شیخ الاسلام ڈاکٹر محمد طاہر القادری نے ہمیں خود اور اپنی اولادوں کو دین کی طرف راغب کرنے کے لیے تحقیق کا جو عظیم کام کیا ہے اس کی صدیوں تک کوئی مثال نہیں ملتی اور ان کا یہ کام صدیوں تک امتِ مسلمہ کے کام آئےگا۔

خطاب کے بعد پروگرام کے مطابق عمرہ کوپن کے لیے قرعہ اندازی کی گئی جس میں بارسلونا کے ساتھ واقع قصبے Hospitalet کے رہنے والے ایک خوش قسمت ظفر مقبول کا نام نکلا ، مہمان مقرر اور منہاج القرآن سپین کی انتظامیہ نے ان کو مبارک باد دی اور کہا عمرہ کی اس ٹکٹ میں سب کا حصہ شامل ہے اس لیے اس کا ثواب بھی سب کو ملے گا ۔ اس کے بعد ایک مقامی خاتون نے علامہ حافظ نذیر احمد قادری کے ہاتھ پر اسلام قبول کیا اور اس طرح وہ امتِ دعوت سے امتِ اجابت کا حصہ بنی ۔

دورانِ محفل اسپورٹس ہال میں جشن کا سماں تھا اور علامہ صاحب کے خطاب کے دوران شرکاءکی جانب سے تکبیر و رسالت کے نعرے لگتے رہے ، محفل میں فرزندانِ اسلام بالخصوص خواتین کی تعداد دیدنی تھی ، ہال کے بیرونی دروازہ پر منہاج لائبریری کی طرف سے لگائے گئے اسٹال پر شیخ الاسلام کے خطابات پر مبنی VCDs اور کتب بھی موجود تھیں جبکہ ہال کے اندر عید میلاد النبی کے حوالے سے خوبصورت بینر آویزاں کیے گئے تھے ، اس محفل میں نقابت کے فرائض علامہ حافظ عبد الرشید شریفی نے سرانجام دیے ۔

محفل کے آخر میں سب حاضرین نے کھڑے ہو گا آقائے دوجہاں پر درود سلام پیش کیا اور محفل کا اختتام ضیافتِ میلاد کے تبرک سے ہوا جس کا معقول انتظام حاجی محمد نذیر اداسی نے منہاج یوتھ لیگ سپین کے نوجوانوں کی معاونت سے کیا ۔

 

 
 

فُل سائز تصاویر