24 جولائی بروز پیر بعد نمازِعصر ، جامع مسجد منہاج القرآن بارسلونا میں دانیلو نامی اُروگوائےنژاد باشندےنےدینِ اسلام کی حقانیت کو تسلیم کرتےہوئےعلامہ عبد الرشید شریفی کےہاتھ پر اسلام قبول کیا ۔منہاج القرآن انٹرنیشنل اسپین کےناظم حاجی محمد اقبال نےترجمےکےفرائض سر انجام دیے، اور دانیلو کو اسلام کےبنیادی عقائد سےآگاہ کیا ۔ نو مسلم دانیلو نےاپنےلیےمصطفی کا نام پسند کیا جس پر علامہ عبد الرشید شریفی نےاس کو مصطفی دانیال نام رکھنےکی ترغیب دی جو کہ اس نےفوراً مان لی اور اپنا نیا اسلامی نام مصطفی دانیال ہی رکھا ۔ قبولِ اسلام کی اس روح پرور محفل کےآخر میں شرکاءنےنو مسلم مصطفی دانیال کو مبارک باد دی اور دعا کی کہ اللہ رب العزت اس کو دینِ حق پر استقامت عطا فرمائی۔ حاجی محمد اقبال نےمنہاج یوتھ لیگ کےممبر حافظ محمد عاطف احتشام کی ذمہ داری لگائی کہ وہ نو مسلم بھائی کو نماز اور قرآن مجید پڑھنا سکھائیں۔ اس موقع پر منہاج القرآن انٹرنیشنل اسپین کی ذمہ داران اور منہاج یوتھ لیگ کےنوجوان بھی موجود تھے۔

فُل سائز تصاویر

ہفتہ 13مئی کو بعد نمازِ عصر منہاج القرآن انٹرنیشنل اسپین کےزیرِ انتظام جامع مسجد منہاج القرآن بارسلونا سنٹر میں ماہانہ گیارہویں شریف کی محفل کا انعقاد کیا گیا ، جس میں کثیر تعداد میں اہلِ عقیدت نےشرکت کی ۔ اس بابرکت محفل کا آغاز مسجد کےطالب علم حافظ محمد عاطف احتشام نےصحیفہ ہدایت کی روشن آیات سےکیا جس کےبعد ثناءخوانانِ مصطفی نےبارگاہِ رسالت مآب میں عقیدت کےپھول نچھاور کیےان میں قاری عبد الرحمن، محسن صدیقی، غلام عباس بٹ، محمد عاطف احتشام، حیدر علی فاروقی،محمد جلیل اور عبد الواحد صاحب شامل تھے۔ حافظ عبد الرزاق نقشبندی صاحب نےاپنےخطاب کا آغاز ثناءخوانان حضرات کی حوصلہ افزائی سےکیا اور کہا کہ یہ آج کی ایجاد نہیں بلکہ سرکارِ دوعالم کی ظاہری حیاتِ مبارکہ میں بھی ثناءخوانی ہوتی تھی اور سرکار خود سنتےتھےان ثناءخوانان میں حضرت حسّان بن ثابت شامل ہیں ۔انہوں نےکہا کہ اس طرح کی محافل میں آنا ہمارے لیے باعثِ برکت بات ہے، ہمیں نہ صرف خود بلکہ اپنےبچوں کو بھی اس طرح کی محافل میں اپنےساتھ لانا چاہیے، اس طرح کی محافل میں بیٹھنےسےہمارے مَن یعنی (روح اور نفس )سنورتےہیں اور ان محافل میں شرکت کرنا صحابہ کرام اور بزرگانِ دین کا طریقہ بھی ہے۔ خطاب کےبعد خصوصی دعا ہوئی اور تبرک تقسیم کیا گیا جس کا احسن انتظام الحاج محمد نذیر اداسی نےمنہاج یوتھ لیگ اسپین کےنوجوانوں کی معاونت سےکیا ۔نمازِ مغرب پر محفل کا اختتام ہوا ۔

فُل سائز تصاویر

16اپریل بروز اتوار بارسلونا کےاسپورٹس ہال میں ایک عظیم الشان محفلِ میلاد کا انعقاد کیا گیا ، محفل کا آغاز جناب قاری عبدالرزاق صاحب نےصحیفہ رشد و ہدایت کی آیاتِ بینات کی تلاوت سےکیا ازاں بعد ثناءخوانانِ مصطفی جناب محمد جلیل صاحب اور جناب غلام محی الدین صاحب نےبارگاہِ رسالتِ مآب میں گلہائےعقیدت کےپھول نچھاور کیے۔معروف نعت خوان جناب قدیر احمد خان صاحب نےمنہاج القرآن بارسلونا کےطلبہ کےساتھ دف پرقبیلہ بنو نجار کی بچیوں کی سیرت پر عمل کرتےہوئےجب حبیبِ کبریا کےلب و رخسار اور شمائل و خصائص کا تذکرہ شروع کیا اور سامعین کی رقت و کیف کا سماں دیدنی تھا، طلبہ اور طالبات کی پر کشش آواز حاضرین کی توجہ کا خصوصی مرکز تھی ، نمازِ عصر ادا ہوئی جس کےبعد خطیب جامع مسجد منہاج القرآن بارسلونا علامہ عبدالرشید شریفی نےاستقبالیہ کلمات اور ہدیہ تشکر پیش کیا، خطاب کےلئےفاضلِ جلیل ، خطیب نکتہ داں، علامہ احمد رضا صاحب(منہاجین)کو دعوت دی گئی حضرت موصوف نےبڑےدل نشیں انداز میں میلاد النبی پر اپنےخیالات کا اظہار فرمایا ، شائقین نےذوق و محبت اور جذبہ و ولولہ پر مبنی نعروں کےساتھ اپنےمہمان خطیب کو داد دی ، انہوں نےنشتر پارک کراچی میں ہونےوالےبم دھماکےکی شدید مذمت کی اور کہا کہ اس اسلام دشمن قوتوں کی مسلمانوں کو آپس میں لڑانےکےلیےایک سازش ہی۔حاضرین مزید سماعت کےلئےابھی تشنہ تھےکہ وقت کےدامن میں گنجائش کم ہونےکےباعث خطاب مختصر کرنا پڑا ۔پروگرام کی ترتیب کےمطابق عمرہ کےٹکٹ کےلئےقرعہ اندازی ہوئی جس میں ایک خوش نصیب نوجوان (جبران عارف)کا نام نکلا اسکےبعد صلوۃ وسلام اور دعا کےساتھ ہی محفل کا اختتام ہوا ۔شائقین کو تبرک دیا گیا جس کا انتہائی خوبصورت انتظام منہاج یوتھ لیگ کےنوجوانوں نےکیا تھا۔ اس روح پرور محفل میں نقابت کےفرائض جناب علامہ عبد الرشید شریفی صاحب نےسر انجام دیے۔اس محفل میں تمام انتظامات منہاج یوتھ لیگ اسپین نےکیے۔ سالانہ محفلِ میلاد ِ مصطفی ﷺکی جھلکیاں ۔۔۔۔ہال میں بڑےخوبصورت اور محفل کی مناسبت سےبینرز آویزاں تھے۔ ۔۔۔۔منہاج القراٰن کےنعت خوان طلبہ کا گروپ خوبصورت اور مخصوص لباس میں ملبوس تھا ۔ ۔۔۔۔محفل کےدوران شرکاءکےلئےجوس اور پانی کا وسیع انتظام تھا۔ ۔۔۔۔شیخ الاسلام پروفیسر ڈاکٹر محمد طاہر القادری کی کتب و کیسٹس ، نامور نعت خوانوں کی سی ڈیز اور دیگر مطلوبہ اشیاءپر مبنی اسٹال محفل کی خوبصورتی میں منفرد اضافہ تھا۔ ۔۔۔۔ خواتین کی حاضری حیران کن تھی ۔ ۔۔۔۔ہال کےاندر بڑی تعداد میں مقامی پاکستانی اخباروں اور رسائل کےصحافی موجود تھی ۔۔۔۔ تبرک کا وسیع انتظام تھا ۔ ۔۔۔۔ پاکستانی کمیونٹی کی تنظیمات کےسرکردہ افراد کی بھر پور نمائندگی ۔

اہل محبت جہاں جس حال میں ہوں ذکر محبوب ان کےمعمولات سےجدا نہیں ہو سکتا اس سےغفلت دعویٰ محبت میں نقص کا باعث ہو سکتی ہے۔ اسی محبت کےعملی اظہار کےلیےلوگرونیو (اسپین) میں رونقِ بزم جہاں، وجہ تخلیق کائنات کی ولادتِ بسعادت کی مناسبت سے16اپریل بروز اتوار جامع مسجد منہاج القرآن لوگرونیو میں ایک عظیم الشان محفل کا انعقاد کیا گیا جس کا انتظام منہاج القرآن انٹرنیشنل لوگرونیو نےاپنےمسلمان بھائیوں کےتعاون سےکیا ۔ محفل کا آغاز محترم جناب حافظ عبد العزیز صاحب نےکتاب لاریب کی آیات مقدسہ سےکیا، نعت خوانان جناب حافظ محمد انصر صاحب، جناب محمد باسط صاحب، جناب میاں طارق محمود صاحب اور جناب محمد ساجد کیانی صاحب نےجب بارگاہِ سرورِ کونین میں گلہائےعقیدت پیش کیےتو سامعین مدینہ طیبہ کےپر نور نظارےاور دلکش جلوےاپنی نگاہوں میں محسوس کرنےلگی۔ کیف و سرور بھرےاسی ماحول میں خطاب کےلیےجناب علامہ صفدر مجید قادری صاحب کو دعوت دی گئی تو انہوں نےکتاب رشد اور احادیث رسول اللہ کےٹھوس دلائل پر مبنی عظمت مصطفی کےچند پہلوؤں پر روشنی ڈالی اور اپنےمخصوص علمی انداز میں چیدہ چیدہ نکات بیان کیےتو شرکاءکےاعتقاد کو تقویت اور قلوب و اذہان کو تسکین ملی۔ اس روح پرور محفل میں نقابت کےفرائض جناب یاسر عثمان (صدر منہاج القرآن انٹرنیشنل لوگرونیو)نےانجام دیےاور اپنےپر کشش انداز سےمحفل میں رنگ بھر دیا۔ ازاں بعد صلوٰۃ و سلام اور دعا ہوئی، اختتام پر تبرک تقسیم کیا گیا جس کا بہترین انتظام جناب ملک غلام رسول، جناب عبدالمناف صاحب، جناب محمد صدیق صاحب کی طرف سےکیا گیا تھا۔

29 مارچ بروز بدھ کو بعد نمازِ مغرب جامع مسجد منہاج القرآن بارسلونا میں ماہِ ربیع الاوّل کےمبارک مہینہ کےآغاز کےموقع پر ایک خصوصی محفل کا آغاز کیا گیا۔ محفل کا آغاز قرآن مجید کی آیاتِ مقدسہ سےحافظ محمد عاطف احتشام نےکیا جس کےبعد سلسلہ نعت خوانی میں بارسلونا سنٹر کےمعروف ثناءخوانانِ مصطفی نےبارگاہِ رسالتمآب میں گلہائےعقید پیش کیے۔ نعت خوانان حضرات میں جاوید قادری، عبد الواحد، محمد عاطف، محمد جلیل، مرزا محمد اصغر بیگ، ارفاق کیانی، بابا جلال احمد اور حیدر علی شامل تھی۔ علامہ عبد الرشید نےاپنےخطاب میں ماہِ ربیع الاول کی فضیلت بیان کی اور کہا کہ اس مہینہ کےدوران ہمیں اپنےگھروں میں افرادی طور پر اور اپنےدوستوں کےساتھ ملکر اجتماعی طور پر رحمت عالم کی ولادتِ باسعادت کی خوشی میں محافل کا انعقاد کریں ، اپنےبچوں کو دوسری عیدین کی طرح اس دن کو بھی عید کی طرح منانےکا بتائیں،اس دن بھی ان کو اچھےاورصاف ستھرےپہنائیں، ان کو عیدی دیں گھر میں اچھےاچھےکھانےپکائیں بالخصوص وہ کھانےجو حضور اکرم نےپسند فرمائی، باقاعدہ درود شریف پڑھیں اور اپنےبچوں کو پڑھائیں اور میلاد النبی کی محافل میں شرکت کریں ۔ انہوں نےبتایا گزشتہ سالوں کی طرح اس دفعہ بھی منہاج القرآن انٹرنیشنل اسپین کےزیر ِ اہتمام میلاد النبی کی سب سےبڑی محفل 16 اپریل بروز اتوار کو رمبلا راوال پر واقع اسپورٹس ہال میں ہو گی علامہ احمد رضا خان (ہالینڈ)خطاب فرمائیں گی، سب مسلمانوں کو شرکت کی دعوت عام ہے۔ تبرک تقسیم کیا گی اور محفل کا اختتام خصوصی دعا سے ہوا ۔

فُل سائز تصاویر