منہاج القرآن انٹرنیشنل کی زیر اہتمام ہونے والی دینی و مذھبی سرگرمیوں کی خبریں

منہاج القرآن بارسلونا کے زیرِ اہتمام ماہانہ گیارہویں شریف کے موقع پر علامہ ظہیر احمد نقشبندی کا خطاب

2 مارچ بروز اتوار کو بعد نمازِ عصر جامع مسجد منہاج القرآن بارسلونا میں ماہانہ گیارہویں شریف کی محفل کا انعقاد کیا گیا جس میں منہاج القرآن بارسلونا اور منہاج یوتھ لیگ سپین کے عہدیداران کے علاوہ کثیر تعداد میں اہلِ بارسلونا نے شرکت کی ۔

محفل کا باقاعدہ آغاز تلاوتِ قرآن کریم سے حافظ عبد الرزاق نقشبندی نے کیا جس کے بعد نعت خوانی کا سلسلہ شروع ہوا جس میں حافظ عبد الرزاق، اصفہان احمد، انعام حسین، محمد شفیق، محمد عتیق، عاطف احتشام اورقدیر احمد خان نے آقائے دو جہاں صلی اللہ علیہ وسلم کی بارگاہ میں گلہائے عقیدت پیش کرنے کی سعادت حاصل کی ۔

سلسلہ نعت خوانی کے اختتام پر منہاج القرآن انٹرنیشنل کے مرکزی نائب ناظم دعوت و تربیت علامہ ظہیر احمد نقشبندی کو دعوتِ خطاب دی گئی،انہوں نے اپنے خطاب کا آغاز قرآن کریم کی آیات بینات سے کرتے ہوئے اولیاءکرام سے محبت کو اپنے خطاب کا موضوع بناتے ہوئے کہا کہ اللہ تعالیٰ کے مقرب بندوں کی شان ہے کہ ان کے وصال سے سینکڑوں سال بعد بھی ہم ان کے طریقہ پر عمل کرتے ہوئے نظر آرہے ہےں، پیرانِ پیر شیخ عبد القادر جیلانی (رح) کا وصال آج سے 9 صدیاں قبل ہوا تھا لیکن انہوں نے گیارہویں شریف جیسی جس بابرکت چیز کی بنیاد رکھی وہ آج بھی دنیا میں مشرق سے مغرب تک قائم ہے، انہوں نے کہا ان چیزوں کو قائم رکھنا ان سے محبت کا تقاضا بھی ہے۔ علامہ ظہےر احمد نقشبندی نے شیخ عبد القادر جیلانی (رح) کے مقام و مرتبہ پر گفتگو کرتے ہوئے کہا کہ اللہ تعالیٰ ہر صدی میں اپنے ایک برگزیدہ بندے کو اس دنیا میں بھیجتا ہے تاکہ وہ زمانہ کے مطابق دین اسلام کی تجدید کا کام سر انجام دے کر دین کو نئے سرے سے زندہ کر دی، شہنشاہِ بغداد (رح) نے دین مبین کو زندہ کی اسی وجہ سے ان کا لقب محی الدین ہوا،انہوں نے کہا اللہ تعالیٰ کا اپنے عظیم المرتبہ بندوں کو دنیا میں بھیجنے کا یہ سلسلہ جاری ہے اور موجودہ زمانہ میں شیخ الاسلام ڈاکٹر محمد طاہر القادری کو یہ کام سونپا گیاہے، امتِ مسلمہ میں محبت و عشق رسول صلی اللہ علیہ وسلم کا جذبہ ختم ہو رہا تھاتو تحریک منہاج القرآن کے پلیٹ فارم سے شیخ الاسلام نے عشق محمدی صلی اللہ علیہ وسلم کو نئے سرے سے امت مسلمہ میں پھیلا دیا ہے، انہو ں نے بتایا کہ شیخ الاسلام ڈاکٹر محمد طاہرالقادری کے پاس بھی غوثِ اعظم (رح)کا فیض ہے، انہوں نے حاضرین کو مخاطب کرتے ہوئے کہا کہ اب یہ ہم سب کی اجتماعی ذمہ داری ہے کہ ہم شیخ الاسلام ڈاکٹر محمد طاہر القادری کے پیغام کو امتِ مسلمہ ہر فرد تک پہنچائیں، آخر میں انہوں نے کہا کہ بروزِ قیامت اللہ تعالیٰ انسانوں سے سوال کرے گا کہ بتاؤ میرا پیغام جو تم تک پہنچا تھا تم نے اس کو کتنا پھیلایا؟۔

خطاب کے بعد معروف نعت خوان محمد قدیر احمد خان نے حاضرین کے ساتھ مل کر بارگاہِ رسالتِ مآب صلی اللہ علیہ وسلم میں ہدیہ درود و سلام پیش کیا، نمازِ مغرب ادا کی گئی جس کے بعد لنگر عام تقسیم کیا گیا جس کا انتظام حاجی محمد نذیر اداسی نے منہاج یوتھ لیگ سپین کے نوجوانوں کے تعاون سے کیا۔

منہاج اسلامک سنٹر بارسلونا میں حلقہ درود کا قیام

گزشتہ جمعۃ المبار ک22 فروری سے منہاج القرآن انٹرنیشنل سپین بارسلونا کے تحت منہاج اسلامک سنٹر بارسلونا میں حلقہ درود قائم کر دیا گیا ہے، منہاج القرآن کے مرکز لاہور میں گزشتہ 2 سالوں سے گوشہ درود کے نام سے ایک خصوصی جگہ قائم کی گئی ہے جس میں 24 گھنٹے آقاءدوجہاں صلی اللہ علیہ وسلم پر درود و سلام پڑھا جاتا ہے اور دنیا بھر سے تحریک منہاج القرآن کے کارکنان اور تنظیمات کی طرف سے درود و سلام گوشہ درودد میں بھیجا جاتا ہے جہاں ہر مہینہ کی پہلی جمعرات کو شیخ الاسلام ڈاکٹر محمد طاہر القادری بذریعہ ٹیلیفون خطاب فرماتے ہیں اور اس ماہ میں پڑھا جانے والا درود و سلام آقاءدو جہاں صلی اللہ علیہ وسلم کی بارگاہ میں پیش کرتے ہیں ۔

منہاج القرآن انٹرنیشنل سپین بارسلونا کے تحت قائم کیے گئے حلقہ درود میں ہر جمعۃ المبارک کے دن نماز عصر کے بعد ایک گھنٹہ تک عاشقانِ مصطفی صلی اللہ علیہ وسلم بیٹھ کر درود و سلام پیش کیا کریں گے ، منہاج اسلامک سنٹر بارسلونا میں حلقہ درود کی پہلی نشست میں 10 افراد نے حصہ لیا اور6500 مرتبہ آقائے دوجہاں صلی اللہ علیہ وسلم کی بارگاہ میں درود و سلام کا نذرانہ پیش کیا ۔

اس موقع پر علامہ محمد ادریس رانا نے خطاب کرتے ہوئے فرمایا کہ دنیا بھر میں منہاج القرآن کے زیرِ انتظام اسی طرح حلقہ درود کا اہتمام کیا گیا ہے اور ہر مہینہ کروڑوں کی تعداد میں درود و سلام مرکز میں پہنچتا ہے جہاں سے بارگاہ مصطفی صلی اللہ علیہ وسلم میں پیش کیا جاتا ہے ۔ امیر تحریک منہاج القرآن بارسلونا علامہ عبد الرشید شریفی نے ناظمِ ممبر شپ حاجی محمد نذیر اداسی اور یوتھ لیگ کے صدر محمد عتیق کو حلقہ درود بارسلونا کا نگران مقرر کیا، انہوں نے بتایا کہ ابتداءمیں حلقہ درود کے انعقاد کے لیے جمعہ کا دن بعد نمازِ عصر کا وقت منتخب کا گیا ہے تاہم بعد ازاں دن اور وقت میں تبدیلی کی جا سکتی ہے ۔

یاد رہے کہ بارسلونا میں گزشتہ سال منہاج یوتھ لیگ کے تحت حلقہ درود کا اہتمام کیا گیا تھا جس میں صرف منہاج یوتھ لیگ سپین کے نوجوان ہی درود و سلام پڑھ کر مرکز بھیجتے تھی۔

درود و سلام کے ساتھ نئے سال کا آغاز، 31 دسمبر کی شب منہاج اسلامک سنٹر بارسلونا میں محفلِ نعت کا انعقاد کیا گیا

31 دسمبر بروز سوموار کو منہاج اسلامک سنٹر بارسلونا میں ایک خصوصی محفل نعت کا انعقاد کیا گیا جس میں اہل اسلام نے کثیر تعداد میں شرکت کی ۔اس محفل کی خصوصی بات یہ دیکھنے میں آئی کہ یہاں ہر عمر کے لوگوں نے شرکت کی جن میں بچے، نوجوان، جوان اور بزرگ شامل تھے، مقامی پاکستانی صحافیوں نے بھی اس محفل میں شرکت کی جن میں جذبہ انٹرنیشنل کے شاہد احمد شاہد قابلِ ذکر ہیں اس کے علاوہ منہاج القرآن برگوسBurgos کے سیکریٹری جنرل حافظ غلام مجتبیٰ بھی اس محفل میں شریک ہوئے ۔

نمازِ عشاءکے فوراً بعد امیرِ تحریک منہاج القرآن بارسلونا علامہ عبدالرشید شریفی نے صحیفہ ہدایت کی آیاتِ مبارکہ سے محفل کا باقاعدہ آغاز کیاجس کے بعد کے بعد ثناءخوانان مصطفی نے آقائے دوجہاں کی بارگاہ میں عقیدت کے پھول پیش کئے سلسلہ نعت خوانی میں حصہ لینے والے ان خوش بختوں میں طیب عثمان،نوران علی،محمد کامران علی(یوتھ لیگ)،حافظ جبران اعظم کیانی(یوتھ لیگ بادالونا)، محمدعثمان (چلڈرن لیگ)،حافظ مشتاق احمد(بلبلِ بارسلونا)، محمد حسنات مصطفی(یوتھ لیگ )، ارسلان احمد کیانی(یوتھ لیگ بادالونا)، عبدالواحد،حافظ شبیر، ارشد نواز(یوتھ لیگ)، محمد شفیق(یوتھ لیگ )، رضوان علی سلطانی(یوتھ لیگ )، سجاد حسین گولڑوی، نو ید اصغر، علامہ محمد عابد نقشبندی، انعام حسین(چلڈرن لیگ)،اشتیاق حسن قادری اور خاور عزیرشامل تھے ۔

جامع مسجد منہاج القرآن بارسلونا کے خطیب علامہ عابد حسین نے اپنے خطاب کے دوران آقائے دوجہاں کی شان مبارکہ پر قرآن و حدیث کے حوالے سے روشنی ڈالی، انہوں نے قرآنی آیت کا حوالہ دیتے ہوئے اپنے خطاب کا آغاز کیا، علامہ عابدحسین نے کہا کہ جہاں اللہ تعالیٰ کا ذکر کیا جائے وہاں آقائے دوجہاں کا ذکر بھی ہوتا ہے یہ ہم لوگوں کی بات نہیں بلکہ اس قرآن بھی اس بات کی تصدیق کرتا ہے ۔ ہماری نمازیں، ہماری زکوٰة،ہمارا حج اس وقت تک مکمل نہیں ہو سکتے جب تک اللہ تعالیٰ کے محبوب کا اس میں ذکر ان میں شامل نہ ہو ۔ انہوں نے صحابہ کرام کے حالاتِ زندگی بھی بیان کیے ۔انہوں نے بتایا کہ جب آقاء کی یاد میں کوئی محفل سجائی جاتی ہے تو اس میں زمین سے آسمان تک فرشتے بھی شامل ہوتے ہیں ۔

اس محفل میں نقابت کے فرائض امیر تحریک علامہ عبد الرشید شریفی نے سر انجام دیی، وہ ساری رات وقفے وقفے شانِ مصطفی بیان کرتے رہی، انہوں نے ذکرِ و ثنائے مصطفی کی فضیلت پر بھی روشنی ڈالی، انہوں نے بتایا کہ اس محفل کو سجانے کا مقصد دین میں کوئی نئی چیز ایجاد کرنا نہیں بلکہ بہت سے مسلمانوں کو اس رات کسی غلط جگہ جانے سے بچانا ہے، انہوں نے کہا کہ اس وقت لوگ اپنے اپنے طریقوں سے نئے سال کا آغاز کر رہے ہیں جب کہ اس مسجد میں موجود افراد نے اس عمل سے نئے سال کا آغاز کیا ہے جو رب کائنات کو سب سے زیادہ پسند ہے ۔

رات بارہ بجے جب سالِ نو کا آغاز ہوا تو شرکاءمحفل نے اپنے جگہوں پر کھڑے ہو کر درود و سلام کا نذرانہ پیش کیا جس کے بعد سیف الملوک کی مختصر محفل ہوئی جس میںحاجی غلام حسین، خاور عزیز، محمد شہباز اور عبد الواحد نے عارفِ کھڑی میاں محمد بخش کا کلام پیش کیا ۔

نمازِ تسبیح با جماعت اداءکی گئی جس کے بعد علامہ عبد الرشید شریفی نے رقت آمیز دعا کرائی، خصوصی دعا میں پاکستان اور عالمِ اسلام کی خوشخالی و ترقی کے لیے بھی دعا کی گئی ۔ محفل کے اختتام سے قبل شرکاءمیں لنگر تقسیم کیا گیا ۔