منہاج القرآن انٹرنیشنل کی بر اعظمی تنظیم منہاج یورپین کونسل کا اجلاس اٹلی کے شہر بیرگامو میں 7 جون کو ہو گا ، اجلاس میں ماہِ جولائی کے وسط میں ہونے والے مرکزی قائدین کے دورہ پر گفت و شنید کے علاوہ یورپی تنظیمات کی کارکردگی کا جائزہ لیا جائے گا اور آئندہ کے لیے حکمتِ عملی طے کی جائے گی ۔

اجلاس میں یورپین کونسل کے تمام عہدیداران شرکت کریں گے جن میں علامہ حسن میر قادری(امیر)،سید ارشد شاہ (صدر)، علامہ اقبال اعظم (سیکریٹری جنرل)، ڈاکٹر عابد حسین (ناظم ویلفیئر)، شکیل احمد (ناظم نشرو اشاعت)، نوید احمد اندلسی(نائب ناظم نشرو اشاعت)شامل ہیں ۔

یاد رہے کہ جولائی کے وسط میں منہاج القرآن انٹرنیشنل کے مرکزی قائدین صدر سپریم کونسل صاحبزادہ حسن محی الدین قادری اور مرکزی ناظم اعلیٰ ڈاکٹر رحیق احمد عباسی یورپ کا تنظیمی و دعوتی دورہ کریں گے ۔

خوش آمدید

خبریں\سرگرمیاں