منہاج القرآن انٹرنیشنل کی سپریم کونسل کے صدر صاحبزادہ حسن محی الدین قادری یورپ کے تنظیمی دورہ کے سلسلے میں 31 جولائی بروز جمعرات کو اٹلی اور یونان کا تنظیمی دورہ مکمل کر کے بارسلونا پہنچیں گے ۔اس تنظیمی و تربیتی دورہ میں ان کے ساتھ منہاج القرآن انٹرنیشنل کے مرکزی ناظم اعلیٰ ڈاکٹر رحیق احمد عباسی کے علاوہ یورپین کونسل کے امیر علامہ حسن میر قادری اور صدر سید ارشد شاہ بھی ہونگے۔

منہاج القرآن انٹرنیشنل سپین بارسلونا کی مجلس عاملہ نے اس سلسلے بارسلونا سینٹر اور بادالونا میں رفقاءکنونشن اور پیغام امن کانفرنسز کے انعقاد کی تیاریاں شروع کر دی ہیں ۔

تحریک منہاج القرآن کے مرکزی اور یورپی قائدین بارسلونا میں قیام کرنے کے بعد 2 اگست بروز ہفتہ کو لوگرونیو جائیں گے جہاں منہاج القرآن انٹرنیشنل سپین لوگرونیوکے تحت رفقاءکنونشن سے خطاب کریں گے جس کے بعد وہ فرانس روانہ ہو جائیں گے ۔

خوش آمدید

خبریں\سرگرمیاں