منہاج مصالحتی کونسل سپین کے زیرِ اہتمام 22دسمبر بروز جمعرات شام 6بجے منہاج اسلامک سنٹر بارسلونا میں حضرت عیسیٰ علیہ السلام اور حضرت قائد اعظم محمد علی جناح رحمتہ اللہ علیہ کے یوم پیدائش کے سلسلے میں خصوصی تقریب کا انعقاد کیا جا رہا ہے جس میں پاکستانی کمیونٹی کے ساتھ ساتھ مقامی سپانش کیمونٹی اور علاقائی حکومت کے نمائندے بھی شرکت کریں گے۔

اس تقریب کے انتظامات کے سلسلے میں ہونے والے اجلاس میں منہاج مصالحتی کونسل سپین کے صدر محمد اقبال چوہدری نے تنظیمی عہدیداران کو بتایا کہ تقریب میں مقامی و پاکستانی مسلمان اور مسیحی کیمونٹی کے علاوہ سرکاری عہدیداران بھی شرکت کریں گے جن میں سپین کے خود مختار علاقہ کاتالونیا کی موجودہ گورنر Montserrat Garcia ، کاتالونیا کے سابق گورنر Joan Rangel، حکومتِ کاتالونیا کے ڈائریکٹر جنرل برائے مذہبی امور Xavier Puigdollers، بارسلونا کے سابق ڈپٹی مئیرCarles Marti، اقوام متحدہ کے ذیلی ادارہ Unescoکاتالونیا کے ڈائریکٹر Francesc Torradeflotاور دیگر مہمان شامل ہیں ۔