12 مارچ بروز اتوار بعد نمازِ عصر جامع مسجد منہاج القرآن بارسلونا میں یومِ مجددین اور ماہانہ گیارہویں کےسلسلےمیں ایک روحانی محفل کا انعقاد کیا گیا ۔ محفل کا آغاز حافظ محمد عاطف احتشام نےتلاوتِ قرآن کریم سےکیا جس کےبعد نعت خواں حضرات نےاپنےاپنےانداز میں بارگاہِ رسالت مآب میں گلہائےعقیدت پیش کیی، ان میں قاری عبد الرحمان، عبد الواحد ، حافظ محمد عاطف، علی حیدر، محمد جلیل اور منہاج نعت کونسل کےناظم ، محمد قدیر احمد خاں شامل تھی۔ علامہ عبد الرشید شریفی صاحب نےاپنےخطاب میں قرآن و حدیث کی روشنی میں اولیائےکرام کےفضائل بیان کیےاور محفل کےعنوان (یومِ مجددین)کےحوالےسےحضرت مجدد الفِ ثانی شیخ احمد سرہندی (رحمتہ اللہ علیہ)اور فاضلِ بریلوی الشاہ احمد رضاخان (رحمتہ اللہ علیہ)کےعظمت بیان کرتےہوئےکہا کہ اللہ تعالیٰ ہر صدی کےشروع یا آخر میں اپنےکسی خاص بندےکو مجدد بنا کر بھیجتا ہےتاکہ وہ دین میں شامل غلط چیزوں کا ازالہ کر دےاور حضرت مجدد الفِ ثانی دوسری ہزاری صدی کےمجدد تھےانہوں نےاکبر کےدین الہی کو جڑ سےاکھاڑ دیا اسی طرح اعلیٰ حضرت بریلوی بھی اپنےزمانےکےمجدد تھے۔ انہوں نےکہا کہ اگر ہم اپنی زندگیوں میں بہتری چاہتےہیں تو ہمیں اولیاءاللہ کےبتائےہوئےراستےپر چلنا ہو گا ۔ نمازِ مغرب ادا کرنےکےبعد صلوٰۃ سلام اور خصوصی دعا ہوئی ،لنگر تقسیم کیا گیا اور یہ محفل اپنےاختتام کو پہنچی ۔

فُل سائز تصاویر

اتوار12 فروری کو منہاج القرآن ا نٹرنیشنل اسپین کےزیر اہتمام بارسلونا سنٹر میں واقع اسپورٹس ہال میں ایک عظیم الشان روحانی محفل بعنوانِ اسلام اور کربلا کا انعقاد ہوا جس میں بارسلونا اور اس کےگرد و نواح میں بسنےوالےہزاروں مسلمانوں نےشرکت کی ۔ محفل کا آغاز شام 5 بجےصحیفہ ہدایت کی آیاتِ بینات سےامام جامع مسجد منہاج القرآن بارسلونا قاری عبد الرزاق نےکیا جس کےبعد بارسلونا کےنامور نعت خوانان حضرات نےبارگاہِ رسالت مآب میں گلہائےعقید ت کا نذرانہ پیش کیا اور واقعہ کربلا کےحوالےسےمنقبت بھی پیش کی ، سلسلہ نعت خوانی کےدوران 6:30 پر نمازِ مغرب ادا کی گئی ، نماز کےبعد یہ سلسلہ اختتام پذیر ہوا اور تحریکِ منہاج القرآن انٹرنیشنل کےسفیرِ یورپ حضرت علامہ حافظ نذیر احمد خان کو دعوتِ خطاب دی گئی ، انہوں نےاپنےخطاب میں فضائل اہلِ بیت کےساتھ ساتھ اہلِ بیتِ نبوی اور صحابہ کےدرمیان بےمثال اخوت و محبت کو بھی تاریخ و احادیث کی روشنی میں اجاگر کیا اور کہا کہ اس وقت مسلم امہ میں تحریکِ منہاج القرآن واحد تحریک ہےجو کےاتحاد بین المسلمین کی داعی ہےاور مقصد کےحصول کےسر دھڑ کی بازی لگائےہوئے ہےنیز انہوں نےواقعہ کربلا کی روشنی میں اسلام اور کربلا کےتعلق کو واضح کیا ۔ اس محفل میں مردوں کےشانہ بشانہ خواتین نےبھی بھر پور طریقےسےشرکت کی ۔سخت سردی کےباوجود محبانِ اہلِ بیت نےکمال ضبط و تحمل کےساتھ محفل پاک کو صلوۃ وسلام کےساتھ اختتام تک پہنچایا۔ آخر میں دعا کےبعد تبرک تقسیم کیا گیا ۔ اس محفل میں نقابت کےفرائض خطیب جامع مسجد منہاج القرآن بارسلونا ، علامہ عبد الرشید شریفی نےانجام دیےاور محفل کےجملہ انتظام و انصرام کی ذمہ داری منہاج یوتھ لیگ اسپین کےنوجوانوں نےسنبھالی۔

فُل سائز تصاویر

جمعرات 9 فروری کو بعد نمازِ مغرب جامع مسجد منہاج القرآن بارسلونا میں یومِ عاشورہ کےسلسلےمیں ایک روحانی محفل کا انعقاد کیا گیا، محفل کا آغاز تلاوتِ قرآن مجید سےعلامہ عبد الرشید شریفی صاحب نےکیا اس کےبعد سلسلہ نعت خوانی شروع ہوا جس میں بارسلونا کےنامور نعت خوانان حضرات نےشرکت کی جن میں حافظ محمد عاطف احتشام، عبد الواحد، حیدر علی اور بابا جلال احمد شامل ہیں ، علامہ عبد الرشید شریفی نےاپنےخطاب قرآن حدیث کی روشنی میں میں حسنین کریمین اور اہلِ بیت نبی کےفضائل بیان کیے، نمازِ عشاءادا کی گئی جس کےبعد شرکاءمیں تبرک تقسیم کیا گیا ۔

فُل سائز تصاویر

اتوار 15 جنوری کو بعد نمازِ عصر جامع مسجد منہاج القرآن میں ماہانہ گیارہویں شریف کی محفل کا انعقاد کیا گیا، جس میں کثیر تعداد اہلِ عقیدت نے شرکت کی ۔ محفل کا آغازصحیفہ ہدایت کی آیاتِ بینات سے جامع مسجد منہاج القرآن کے طالب علم حافظ محمد اسد بخاری نے کیا ،جس کے بعد بارسلونا کے معروف نعت خوانان حضرات نے بارگاہِ رسالتِ مآب میں گلہائے عقیدت کے پھول نچھاور کیے ، ثناء خوان حضرات میں، حافظ محمد عاطف احتشام، عبد الواحد، قاری عبد الرحمن، حیدر علی ،جاوید قادری اور عبد الجلیل شامل تھے، علامہ عبد الرشید شریفی صاحب نے اپنے خطاب میں ماں باپ کے اولاد پر حقوق اور اولاد کے ماں باپ حقوق پر بات کی اور فرمایا کہ مسلمان ہونے کے ناطے ہمارا فرض ہے کہ اپنی اولاد کی صحیح تربیت کریں اور ان کو دین پر چلنے کا طریقہ سکھائیں، نمازمغرب ادا کرنے کے بعد محفل ذکر ہوئی اور خصوصی دعا ہوئی جس کے بعد لنگر تقسیم کیا گیا ۔ اس محفل میں منہاج القرآن انٹرنیشنل اسپین کے ، صدر، محمد اقبال، ناظم اجتماعات محمد نذیر اداسی، شعبہ ویلفئیر کے سربراہ محمد نواز کیانی، ناظم نشرو اشاعت نوید اصغر، لائبریرین محمد قیصر، منہاج یوتھ لیگ کے نوجوانوں میں سے حافظ محمد عاطف احتشام ، حافظ محمد اسد بخاری، حافظ محمد عثمان طاہر، بابر بشارت، علی طاہر ،نے شرکت کی۔

فُل سائز تصاویر

(رپورٹ۔نوید اصغر)10 جنوری بروز منگل کو اسپین میں رہنےوالےمسلمانوں نےاپنا سب سےاہم اور بڑا تہوار عید الضحیٰ منایا، اس سلسلےمیں اسپورٹس ہال راوال بارسلونا میں نماز عید کا سب سےبڑا اجتماع منہاج القرآن انٹرنیشنل اسپین کےزیرِ انتظام ہوا ، یورپ کی تاریخ میں پہلی مرتبہ نمازِ عید براہِ راست سرکاری ٹیلی وژن پر نشر کی گئی ۔ صبح 8 بجےہال کےکھلتےہی سینکڑوں افراد کی آمد شروع ہو گئی کثیر تعداد میں نمازیوں کی آمد کےپیش نظر منہاج القرآن انٹرنیشنل نےسابقہ سالوں کی طرح یہ ہال صبح 8 بجےسے11 بجےتک کرایہ پر حاصل کیا ۔ لوگوں کی بہت زیادہ حاضری کےباعث 3نمازیں ادا کی گئیں پہلی نماز 9 بجےعلامہ عبدالرشید شریفی ، دوسری نماز 9:30 پر علامہ خان محمد چشتی اور تیسری نماز 10:15 پرحافظ عبد الوحید کی اقتداءمیں ادا کی گئی، اس اجتماع میں تقریباً 8000 مسلمانوں نےنماز ادا کی ۔ اس کےعلاوہ جامع مسجد منہاج القرآن میں خواتین کےلیےبھی نمازِ عید کا اہتمام کیا گیا جو کہ مسجد کےطالبعلم حافظ محمد عثمان طاہر نےپڑھائی۔ سیکورٹی اور انتظامیہ کےمعاملات منہاج کرکٹ کلب اور منہاج یوتھ لیگ اسپین کےنوجوانوں نےبڑےاحسن طریقےسےسر انجام دیی، سابقہ سالوں کےبر عکس اس دفعہ لوگوں نےبہت نظم و ضبط کا مظاہرہ کیا ۔ اس نماز ِ عید کو یورپ کی تاریخ میں پہلی دفعہ کتالونیا کےسرکاری ٹیلی وژن کےچینل نمبر 33 (Canal 33)پر براہ راست نشر کیا گیا ، جو کہ یہاں رہنےوالےمسلمانوں اور بالخصوص منہاج القرآن انٹرنیشنل اسپین کےلیےبڑےاعزاز کی بات ہے، اس کےعلاوہ کثیر تعداد میں شعبہ صحافت سےتعلق رکھنےوالےافراد موجود تھےجن میں اخبارات اور ٹیلی وژن کےنمائندگان شامل ہیں ،ان کو بتایا گیا کہ یہ مسلمانوں کا سب سےاہم دن ہےاور اس دن حضرت ابراہیم کےاللہ کی راہ میں اپنےبیٹےحضرت اسماعیل کی قربانی کی یاد میں تمام مسلمان اپنےگھروں میں ایک جانور قربان کرتےہیں لیکن اسپین کےقوانین اس چیز کی اجازت نہیں دیتےکہ ہم اپنےگھروں میں جانور قربان کریں اس لیےیہ جانور مخصوص جگہوں پر قربان کیےجاتےہیں، زیادہ تر لوگ قر بانی کےلیےرقم اپنےعزیز و اقارب کو پاکستان بھجوا دیتےہیں تاکہ وہ وہاں ان کےنام پر قربانی کر سکیں۔ اس موقع پر سرکاری اداروں کی جانب سےمہمان بھی تشریف لائےاور انہوں نےمسلمانوں کو ان کےاس اہم دن پر مبارک باد پیش کی ان مہمانوں میں حکومتِ کتالونیا کی ڈائریکٹرجنرل برائےمذہبی امور مونسرات کوژ، بلدیہ بارسلونا کےنمائندےنائب مئیر بارسلوناپاکوسلوادور اور ان کےسیکریٹری، کتالونیا پولیس کی علاقائی انسپکٹر روسا، اور کتالونیہ کی پارلیمنٹ کےواحد مسلمان رکن محمد شعیب شامل ہیں ۔ مذہبی امور کی سربراہ مونسرات کوژ نےکہا کہ اس طرح کی نشرو اشاعت (جس طرح کتالونیا ٹیلی وژن نے کی ہے ) سےمسلمانوں کےخلاف جو غلط فہمیاں پائی جاتی ہیں ان کا ازالہ ہو گا انہوں نےکہا کہ حکومت جلد ہی ایک قانون تیار کر رہی ہےجس میں مذہبی عمارتوں کو قانونی حیثیت دی جائےگی۔

فُل سائز تصاویر