گزشتہ دنوں امیر تحریک منہاج القرآن یورپ علامہ حسن میر قادری کے دورہ سپین کے موقع پر سپین کے تاریخی شہر برگوس میں منہاج القرآن کے وابستگان نے ایک خصوصی محفل کا انعقاد کیا جس میں منہاج القرآن انٹرنیشنل سپین بُرگوس کے نام سے ایک نئی تنظیم کاقیام عمل میں آیا۔اس محفل میں برگوس میں رہنے والے تحر یکی وابستگان نے کثیر تعداد میں شرکت کی۔
نماز عصر کے بعدمنعقد کی گئی اس خصو صی محفل میں علامہ حسن میر قادری نے اپنی گفتگوکے دوران وابستگان کومشن کے پیغام کو پھیلانے کی تلقین کی اور انہوں نے شرکاءسے مشاورت کے بعد منہاج القرآن انٹرنیشنل سپین بُرگوس کے نام سے نئی تنظیم کے قیام کا اعلان کیا۔
منہاج القر آن انٹرنیشنل سپین برگوس کے صدر کی ذمہ داری کے لئے محترم ظفر اقبال کومنتخب کیا گیا ،نائب صدر (محترم عبدالستار) ، سیکریٹری جنرل (محترم حافظ غلام مجتبیٰ) ، نائب ناظم (محترم شہبازاحمد مغل) ، ناظم مالیات (محترم شکیل احمد) ، ناظم دعوت و تربیت (محترم عابد حسین) جبکہ محترم حاجی لیاقت،محترم حاجی گلزاراحمداور محترم طارق جاویدکو ارکین مجلس عاملہ مقرر کیا گیا ۔امیر تحریک منہاج القرآن یورپ نے نو منتخب ذمہ داران کومبارک باد پیش کی اور تحر یک کے کا م کودلی لگن اور جذبہ کے ساتھ کرنے کی ہدایت کی۔اس موقع پر منہاج القرآن بارسلونا کے محمد نواز کیانی اورارسلان اعظم کیانی موجود تھے۔
