28فروری 2014ء بروز جمعہ منہاج یورپین کونسل کے صدر چوہدری اعجاز احمد وڑائچ اور سیکریٹری جنرل محمد بلال اوپل نے منہاج اسلامک سنٹر بارسلونا میں جاری سپانش زبان کی کلاس کا دورہ کیا، ان کے ساتھ منہاج القرآن انٹرنیشنل سپین کے صدر مرزا محمد اکرم بیگ بھی موجود تھے۔ کلاس ٹیچر نوید احمد اندلسی اور طلباء نے معزز مہمانوں کو خوش آمدید کہا اس موقع مہمانوں نے اپنی مختصر گفتگو میں کہا کہ کسی بھی ملک میں آنے کے بعد وہاں کی زبان سیکھنا سب سے اہم کارنامہ ہوتا ہے اور اس مقصد کے حصول کے لیے منہاج القرآن بارسلونا نے اس کلاس کی صورت میں آپ کو بہترین سہولت فراہم کر رکھی ہے۔

منہاج یورپین کونسل کے صدر چوہدری اعجاز احمد وڑائچ نے طلباء کو منہاج القرآن بارسلونا کی اس مفت سروس سے استفادہ کرنے کے بعد منہاج القرآن انٹرنیشنل سے عملی طور پر وابستہ ہونے کا پیغام بھی دیا، انہوں نے کہا شیخ الاسلام ڈاکٹر محمد طاہرالقادری کی قیادت میں منہاج القرآن دنیا بھر میں دینی معاملات کے ساتھ ساتھ زندگی کے تمام شعبہ جات میں امت مسلمہ اور بالخصوص پاکستانی نوجوان نسل کو رہنمائی فراہم کر رہی ہے، انہوں نے طلباء کو مقامی قوانین کے متعلق آگاہی حاصل کرنے اور ان کا احترام کرنے کی بھی تاکید کی۔

منہاج یورپین کونسل کے سیکریٹری جنرل محمد بلال اوپل نے کلاس ٹیچر نوید احمد اندلسی کی خدمات کو سراہتے ہوئے انہیں منہاج القرآن انٹرنیشنل کا سرمایہ قرار دیا۔ منہاج القرآن انٹرنیشنل سپین کے صدر محمد اکرم بیگ نے تمام طلباء کو سپانش زبان سیکھنے پر مبارک باد دینے ہوئے کہا کہ بارسلونا میں منہاج القرآن کی خدمات کسی سے ڈھکی چھپی نہیں ہیں، سپانش زبان کی کلاس بالکل مفت فراہم کرنے کے ساتھ ساتھ منہاج القرآن سپین گزشتہ 19 برس سے زندگی کے مختلف شعبہ جات میں پاکستانی کمیونٹی کی رہنمائی کر رہی ہے۔

اس موقع پر کلاس ٹیچر نوید احمد اندلسی نے معزز مہمانوں کا شکریہ اداء کرتے ہوئے انہیں کلاس کے نظام تعلیم اور اس کی انفرادیت کے متعلق آگاہ کیا، انہوں نے بتایا کہ منہاج القرآن بارسلونا جیسی کلاس سپین میں اس وقت تک کہیں اور موجود نہیں، انہوں نے بتایا کہ اکتوبر 2009 سے لے اب تک کر یہ کلاس بالکل مفت (فری) پڑھائی جا رہی ہے اور اس کی مقبولیت و اہمیت کا اندازہ اس بات سے لگایا جا سکتا ہے کہ کلاس میں داخلہ کے لیے اکثر قرعہ اندازی کی جاتی ہے، اب تک مکمل ہونے والی 15کلاسوں میں سینکڑوں طلباء مستفید ہو کر زندگی کے مختلف شعبہ جات میں اپنے اور اپنے گھر والوں کے لیے رزقِ حلال کمانے کے ساتھ ساتھ دین اسلام اور وطن پاکستان کے لیے اچھے سفیروں کاکردار کر رہے ہیں۔ نوید احمد اندلسی نے بتایا کہ کلاس کی اختتامی تقریب میں بطور خاص طلباء کو اس بات کی تاکید کی جاتی ہے کہ وہ یہاں سے زبان سیکھنے کے بعد ہمیشہ اپنے وطن پاکستان اور دین اسلام کی نیک نامی میں اضافہ کا باعث بنیں اور منفی سرگرمیوں کاحصہ بننے سے گریز کریں۔

رپورٹ : محمد وقاص راجہ سیکریٹری میڈیا MQIسپین

19فروری 2014ء کو منہاج القرآن انٹر نیشنل سپین کے زیر اہتمام بارسلونا سنٹر میں قائد تحریک ڈاکٹر محمد طاہر القادری کی 63ویں سالگرہ کی تقریب منعقد کی گئی جس میں تحریک منہاج القرآن سپین کے رفقاء و وابستگان کے علاوہ مختلف شعبہ ہائے زندگی سے تعلق رکھنے والے خواتین و حضرات نے شر کت کی اور شیخ الاسلام ڈاکٹر محمد طاہر القادری کی علمی، سیاسی اور مذہبی خد مات کو خراج تحسین پیش کیا۔ پروگرام میں ادارہ ہم وطن سپین کے ڈائریکٹر جاوید مغل، سوشلسٹ پارٹی بارسلونا کے سیکریٹری امیگریشن حافظ عبدالرزاق صادق، چوہدری امانت علی، محمد امتیاز آکیہ، اینٹی کرائسس ایسوسی ایشن سپین کے صدر چوہدری طارق مہدی گجر، ڈپٹی ایڈیٹر ہم وطن اخبار ارشد نذیر ساحل، چیف ایڈیٹر ڈیلی دوست ڈاکٹر قمر احسان، صدر منہاج مصالحتی کونسل سپین محمد اقبال چوہدری، صدر منہاج القرآن انٹرنیشنل سپین مرزا محمد اکرم بیگ اور امیر منہاج القرآن انٹرنیشنل سپین علامہ عبدالرشید شریفی نے خصوصی شرکت کی۔

تقریب کا باقاعدہ آغاز تلاوت قرآن مجید اور نعت رسول مقبول ﷺسے ہواجس کی سعادت بالترتیب حافظ محمد عابد نقشبندی اور حافظ غلام مصطفی نے حاصل کی، سٹیج سیکرٹری کے فرائض نوید احمد اندلسی نے سر انجام دئیے۔ تقریب سے خطاب کرتے ہوئے بارسلونا کے معروف صحافی اور ادارہ ہم وطن کے بانی و چیف ایڈیٹر جاوید مغل نے کہا کہ ڈاکٹر طاہر القادری نے ہمیشہ حقیقی محبت کی بات کی ہے اور اس بات کو نبھا بھی رہے ہیں، انہوں نے کہا کہ محبت کو کیسے جاری رکھا جا سکتا ہے وہ صرف اور صرف عشق رسول ﷺ سے ممکن ہے، انہو ں نے کہا کہ مجھ سے اکثر سوال کیا جا تا ہے کہ مشاہیر کے ایامِ پیدائش پر تقریبات کا انعقاد کرنا کیسا عمل ہے؟ تو میں اس سوال کے جواب میں یہی کہتا ہو ں کہ ایسے مواقع پر تقریبات کے انعقاد کا مقصد ان بڑی شخصیات کی خد مات کو خراج تحسین پیش کرنا ہوتا ہے اس موقع پر جاوید مغل نے کہا کہ اللہ تعالیٰ ڈاکٹر طاہر القادری کو عمر خضر عطا فر مائے کیونکہ ایسی بیش قیمت شخصیات بر سو ں بعد پیدا ہو تی ہیں، انہو ں نے کہا کہ میں نے یورپ اور بالخصوص بارسلونا، سپین میں مغربی کلچر کے اثرات کے باعث بہت سے بگڑے ہوئے نوجوانو ں کو ڈاکٹر طاہرالقادری کی تعلیمات سے سنورتے دیکھا ہے۔

سوشلسٹ پارٹی کاتالونیا کے بار سلونا سٹی کے سیکرٹری امیگریشن حافظ عبدالرزاق صادق نے اپنی گفتگو میں کہا کہ ڈاکٹر طاہر القادری کا سب سے بڑا کار نامہ پاکستانی قوم کے لیے تعلیمی اداروں کا قیام ہے کیونکہ تعلیم سے ہی قوموں کی تشکیل ہو تی ہے اس موقع پر انہوں نے منہاج ایجوکیشن سٹی کے منصوبہ کا خصوصی طور پر ذکر کیا، انہوں نے کہا کہ یورپین ممالک میں منہاج القرآن کے مراکز نوجوانوں کو برائی سے بچانے میں اہم کردار ادا کر رہے ہیں۔

منہاج القرآن انٹرنیشنل سپین کے سنیئررہنماء اور منہاج مصالحتی کونسل سپین کے صدر محمد اقبال چوہدری نے کہا کہ پاکستان میں اور پاکستان سے باہر منہاج القرآن کے خلاف بد گمانیا ں پیدا کرنے کی کوششیں تحریک کے قیام کے فوراً بعد شروع ہو گئیں تھیں لیکن الحمدللہ تعالیٰ یہ مشن تمام تر مخالفانہ پراپیگنڈے کے باوجود ہمیشہ آگے ہی بڑھا ہے، انہو ں نے تقریب کے مہمانوں کو مخاطب کرتے ہوئے کہا کہ آپ سب کو ڈاکٹر طاہر القادری کی محبت یہا ں لے کر آئی ہے اور ہم خوش نصیب ہیں کہ ہم ڈاکٹر طاہر القادری کی صدی میں پیدا ہو ئے اور امت مسلمہ کے لیے ان کی تمام خدمات کو اپنی ظاہری آنکھوں سے دیکھ رہے ہیں، انہو ں نے کہا کہ یہ اللہ کا احسان ہے کہ شیخ الاسلام ڈاکٹر محمد طاہر القادری صرف پاکستان کا ہی نہیں بلکہ پورے عالم اسلام کا سرمایہ ہیں، انہو ں نے کہا کہ اس دور میں دنیا بھر میں اور خصوصاً یورپ میں ہمارے اور ہمارے بچوں کے ایمان کی سلامتی اور حفاظت کا راستہ تحریک منہاج القرآن ہے اس لیے آپ سب اس تحریک کا حصہ بنیں، انہو ں نے کہا کہ ساری زمین اللہ کی ہے اور مسلمان جہاں بھی رہے وہی اس کا دیس ہے، ہمارا کردار اور عمل ہی دین اسلام کی ترویج کا ذریعہ ہو سکتا ہے، انہو ں نے تمام حاضرین کو تلقین کرتے ہوئے کہا کہ آپ سب لوگ ایسا کردار اور حسن اخلاق پیش کریں جس سے معاشرہ میں آقاﷺ کی سیرت کی خوشبو آئے۔

منہاج اسلامک سنٹر اوسپتالیت حافظ محمد عابد نقشبندی نے کہا کہ شیخ الاسلام ڈاکٹر محمد طاہر القادری نے اپنی زندگی پاکستان کے لئے اور عالم اسلام کے لئے وقف کر دی ہے، اگر آج ہم ان کی قدر نہ کی اور ان کے دست و بازو نہ بنے تو ہمیں آنے والی نسلیں اچھے الفا ظ میں یاد نہیں کریں گی ۔انہو ں نے کہا کہ ڈاکٹر طاہر القادری نے اپنی ساری زندگی کتب اور خطابات کی مد میں حاصل ہونے والی آمدن سے اپنی ذات کے لئے ایک پیسہ بھی نہیں لیا بلکہ تحریک منہاج القرآن کے لئے وقف کر دیا، انہو ں نے کہا کہ ہم بطور عوام اپنے چھو ٹے چھو ٹے اور ذاتی و علاقائی نوعیت کے مفاد ات کی خاطر پانچ سال کے لئے قوم کا بیڑہ غرق کر دیتے ہیں ہمیں اپنا مقدر سنوارنے کے لیے اپنا طریقہ کار تبدیل کرکے ڈاکٹر طاہرالقادری کی آواز پر لبیک کہنا ہو گا۔

منہاج القرآن بارسلونا کے امیر علامہ عبدالرشید شریفی نے کہا کہ شیخ الاسلام ڈاکٹر محمد طاہر القادری عہد آفریں، عہدساز اور عہد بنانے والی شخصیت ہیں، انہو ں نے کہا کہ تحریک منہاج القرآن کے ہر کارکن کا فریضہ ہے کہ وہ اپنے حلقہ احباب میں شامل افراد کو فروغ عشق رسول ﷺ کے مشن میں شامل ہونے کی دعوت دے، انہو ں نے کہا کہ ہمارے پاس علم نہیں ہوتا اورہم محض میڈیا پر سنی سنائی باتو ں سے عوام میں بد گمانی پیدا کرتے ہیں جبکہ اصل بات ڈاکٹر طاہر القادری کو سننے کی ہے اگر آپ ڈاکٹر طاہر القادری کو سنیں گے تو آپ کو اس شخصیت کے مقام کا علم ہو گا اور جب علم ہو گا تو بد گمانی ختم ہو جا ئے گی۔

تقریب میں منہاج ویمن لیگ کی عندلیب شریف اور منہاج یوتھ لیگ بارسلونا کے محمد عتیق نے بھی اظہار خیال کیا جبکہ منہاج یوتھ لیگ بادالونا کے اسد قادری، منہاج یوتھ لیگ بارسلونا کے حافظ عا طف احتشام اور معروف ثناخوان قدیر احمد خان نے تحریکی ترانے پیش کئے۔تقریب کے اختتام پر منہاج القرآن انٹرنیشنل سپین، منہاج یوتھ لیگ سپین اور منہاج ویمن لیگ سپین کی جانب سے شیخ الاسلام ڈاکٹر محمد طاہر القادری کی 63ویں سالگرہ کے تین الگ الگ کیک کا ٹے گئے۔ پروگرام میں منہاج ویمن لیگ سپین کو یورپ بھر کی سب سے بڑی میلا دکانفرنس منعقد کرنے پر اور منہاج القرآن بادالونا کو منہاج القرآن سپین کی تاریخ کا پہلا میلاد مارچ منعقد کرنے پر اعزازی شیلڈیں پیش کی گئیں جبکہ منہاج ویمن لیگ کی عہدیداران کو شاندار خدمات پیش کرنے پر انفرادی طور پر بھی اعزازی سرٹیفیکیٹ پیش کیے گئے۔ تقریب کے اختتام پر شیخ الاسلام ڈاکٹر محمد طاہرالقادری کی درازئ عمر اور صحت کے لیے خصوصی دعا کی گئی اور تمام مہمانوں کی کیک، مٹھائی اور مشروبات سے تو اضع کی گئی۔

رپورٹ: نوید احمد اندلسی

بانی وسرپرست اعلی منہاج القرآن انٹرنیشنل سفیر امن ڈاکٹر محمد طاہر القادری کی سالگرہ کے موقع پر پوری دنیا میں موجود منہاج القرآن انٹرنیشنل کے مراکز کی طرح منہاج القرآن انٹرنیشنل لوگرونیو (سپین ) کے زیر اہتمام بھی خصوصی تقریب کا انعقاد کیا گیا، آغاز تلاوت کلام پاک سے ہوا جس کی سعادت محمد اسرار نے حاصل کی، منہاج یوتھ لیگ کے شاداب بشیر ساہی، محمد عثمان، محمد داؤد نے بارگاہ سرور کونین ﷺ میں ہدیہ عقیدت پیش کیا، منہاج یوتھ لیگ لوگرونیو کے نوجوانوں نے مل کر اپنے محبوب قائد کے لیے لکھے گئے کلام "تو سلامت رہے تاقیامت رہے"پیش کیا جبکہ تقریب میں سالگرہ کا کیک بھی کاٹا گیا اور شیخ الاسلام ڈاکٹر محمد طاہر القادری کی درازی عمر، صحت وسلامتی اور پوری دنیا میں تحریک منہاج القرآن کے تحت جاری اسلام کے پیغام امن کے مشن کی کامیابی کے لیے دعا کی گئی۔

تقریب میں امیر منہاج القرآن لوگرونیو علامہ صفدر مجید قادری (منہاجین)، صدر منہاج القرآن لوگرونیو میاں عبدالمنان، صدر انتظامیہ جامع مسجد منہاج القرآن لوگرونیو سکندر حیات اور حافظ غلام مجتبیٰ اُندلسی نے خصوصی طور پر شرکت کی جبکہ دیگر شرکاء میں حاجی غلام رسول، حاجی محمد اسلم، حاجی محمد بشیر، محمد افضال، شوکت حیات گل، باسط علی مہر، محمد شمریز، صدر منہاج یوتھ لیگ شاداب بشیر ساہی، جنرل سیکرٹری محمد عثمان، شان علی، محمد اسرار، کلیم اللہ، طحہ گل اور محمد داؤد موجود تھے۔

رپورٹ: غلام مجتبیٰ اندلسی

منہاج القرآن یوتھ لیگ کے 25 ویں یوم تاسیس کے موقع پر 30 نومبر 2013ء بروز ہفتہ منہاج یوتھ لیگ لوگرونیو (سپین) کے زیر اہتمام شاندار پروگرام کا اہتمام کیا گیا جس کی صدارت امیر منہاج القرآن لوگرونیو علامہ صفدر مجید قادری نے کی جبکہ صدر منہاج القرآن لوگرونیو میاں عبد المنان اور سیکرٹری نشرو اشاعت حافظ غلام مجتبیٰ اُندلسی نےپروگرام میں خصوصی طور پر شرکت کی ۔

منہاج یوتھ کےنوجوانوں نے صدر شاداب بشیر ساہی کی قیادت میں خوبصورت پروگرام کا انعقاد کیا جس میں منہاج یوتھ لوگرونیو کی طرف سے 25ویں یوم تاسیس کے موقع پر کیک بھی کاٹا گیا اور شیخ الاسلام ڈاکٹر محمد طاہر القادری کی قیادت پر فخر کا اظہار کرتے پہلےسے زیادہ جوش و جذبے سے کام کرنے کا عہد کیا۔

منہاج القرآن انٹرنیشنل کی سپریم کونسل کے صدر اور ڈاکٹر طاہر القادری کے بڑے صاحبزادے ڈاکٹر حسن محی الدین قادری نے اپنے دورۂ یورپ کے آخری مرحلہ میں بارسلونا، سپین کا مختصر دورہ کیا، جہاں انہوں نے محض 27 گھنٹوں کے قیام کے دوران منہاج القرآن کی مقامی تنظیمات کی طرف سے منعقد کردہ 8سے زائد مختلف پروگرامز میں شرکت کی جن میں مقامی اسلامک سنٹرز و مراکز کا دورہ، مقامی ہسپانوی و پاکستانی معززین کے ساتھ ملاقات اور ظہرانہ، عظیم الشان پیغام امن کانفرنس سے خطاب، رفقاء و عہدیداران سے خطاب اور مختلف شعبہ جات میں اعلیٰ کارکردگی کا مظاہرہ کرنے والے عہدیداران میں اعزازی اسناد کی تقسیم وغیرہ شامل ہیں۔ اس کے علاوہ انہوں نے بارسلونا کے پاکستانی صحافیوں سے بھی خصوصی ملاقات کی اور ان کے سوالات کے جوابات دیے۔

بارسلونا انٹرنیشنل ائیر پورٹ پر استقبال:

26جون 2013ء کی صبح ڈاکٹر حسن محی الدین قادری، منہاج یورپین کونسل کے صدر چوہدری اعجاز احمد وڑائچ، سیکریٹری جنرل محمد بلال اپل، جوائنٹ سیکریٹری چن نصیب اور ناظم ویلفیئر حافظ اقبال اعظم کے ہمراہ بارسلونا انٹرنیشنل ائیر پورٹ پر پہنچے تومنہاج القرآن سپین کے ممبران نے معزز مہمانوں کا پرتپاک استقبال کیا، منہاج القرآن انٹرنیشنل سپین کے سرپرست محمد نواز کیانی اور صدر مرزا محمد اکرم بیگ نے ڈاکٹر حسن محی الدین قادری کو گلدستہ پیش کیا۔اس موقع پر منہاج القرآن انٹرنیشنل سپین کے سیکریٹری جنرل نوید احمد اندلسی، نائب صدر ظل حسن قادری، صدر مصالحتی کونسل محمد اقبال چوہدری، صدر منہاج یوتھ لیگ بلال یوسف، خرم شبیر، محمد عتیق اور محمد آصف قادری بھی موجود تھے۔ بارسلونا ائر پورٹ سے مہمانانِ گرامی کو قافلے کی صورت میں منہاج اسلامک سنٹر اوسپتالیت لیجایا گیا۔

منہاج اسلامک سنٹر اوسپتالیت کا دورہ:

بارسلونا کے مضافاتی شہر اوسپتالیت میں واقع منہاج اسلامک سنٹر پہنچنے پر ڈاکٹر حسن محی الدین قادری کا پرتپاک استقبال کیا گیا، اس موقع پر منہاج القرآن اوسپتالیت کے قائدین نے انہیں پھول پیش کئے جبکہ نوجوان طلباء کی طرف سے گلپاشی کی گئی۔مقامی تنظیم کے صدر حاجی زاہد اختر زاہدی نے ڈاکٹر حسن محی الدین قادری کو منہاج اسلامک سنٹر کے قیام کے بارے تفصیلات سے آگاہ کیا اور انہیں سنٹر کے مختلف گوشوں کا دورہ کروایا۔ اس موقع پر ڈاکٹر حسن محی الدین قادری نے مقامی عہدیداران سے فرداً فرداً ملاقات کی اور انہیں انتہائی مختصر وقت میں اتنے عظیم الشان مرکز کی تعمیر و تکمیل پر خصوصی مبارک باد پیش کی اور امید ظاہر کی کہ یہ مرکز مقامی مسلمان کمیونٹی کی فلاح و بہبود، شیخ الاسلام ڈاکٹر محمد طاہرا لقادری کے پیغام امن و محبت اور دین اسلام کی ترویج کے لیے اہم کردار اداء کرے گا۔ ڈاکٹر حسن محی الدین قادری نے منہاج اسلامک سنٹر اوسپتالیت کے قیام کا ایک سال مکمل ہونے کی خوشی میں کیک بھی کاٹا جس کا انتظام منہاج القرآن اوسپتالیت کی انتظامیہ کی طرف سے کیا گیا تھا۔ اوسپتالیت سے ڈاکٹر حسن محی الدین قادری اور منہاج القرآن یورپ کے قائدین کو بارسلونا میں واقع ان کی رہائش پر لیجایا گیاجہاں کچھ دیر آرام کے بعد وہ بادالونا میں منہاج القرآن کے سنٹر کے دورہ کے لیے روانہ ہوئے۔

منہاج اسلامک سنٹر بادالونا کا دورہ:

سہ پہر 3بجے ڈاکٹر حسن محی الدین قادری، مقامی قائدین کے ہمراہ بارسلونا کے مضافاتی شہر بادالونا میں واقع منہاج اسلامک سنٹر میں پہنچے تو منہاج القرآن بادالونا کے قائدین نے ان کا شاندار استقبال کیا، مقامی تنظیم کے صدر آفتاب حسین ابرار نے گلدستہ پیش کیا، اس موقع پر منہاج یوتھ لیگ بادالونا کے نوجوانوں کی طرف سے گلپاشی کا منظر دیدنی تھا۔ اگلے مرحلے میں ڈاکٹر حسن محی الدین قادری نے مقامی تنظیم کے تمام افراد کے ساتھ فرداً فرداً مصافحہ کیا، اس موقع پر کثیر تعداد کے باوجود منہاج القرآن بادالونا کے ممبران کا نظم و ضبط قابل ستائش تھا۔ ڈاکٹر حسن محی الدین قادری نے اپنے مختصر خطاب میں قرآن و حدیث کی روشنی میں مساجد کی تعمیراور انہیں آباد کرنے والوں کا اجر بیان کیا، انہوں نے ابتدائے اسلام میں تعمیر کی گئی مختلف مساجد کے واقعات بھی بیان کیے۔ ڈاکٹر حسن محی الدین قادری نے اہل بادالونا کو اللہ کے گھر کو تعمیر کرنے اور اسے آباد کرنے پر خصوصی مبارک باد بھی دی۔

قرطبہ ریسٹورنٹ (بادالونا) پر ڈاکٹر حسن محی الدین قادری کے اعزاز ظہرانہ:

منہاج اسلامک سنٹر بادالونا کے دورہ کے بعد ڈاکٹر حسن محی الدین قادری منہاج القرآن یورپ اور سپین کے قائدین کے ہمراہ قرطبہ ریسٹورنٹ (بادالونا) پہنچے جہاں منہاج القرآن انٹرنیشنل سپین کی طرف سے ان کے اعزاز میں شاندار ظہرانہ کا اہتمام کیا گیا تھا جس میں تنظیم کے ایگزیکٹو ممبران کے علاوہ مقامی سپانش کمیونٹی کے رہنماؤں اور پاکستانی کمیونٹی کے معززین نے بھی شرکت کی۔ ظہرانہ کی تقریب کا آغاز تلاوتِ قرآن کریم سے منہاج اسلامک سنٹر بارسلونا کے امام قاری عبدالرزاق نے کیا جس کے بعد معروف ثناء خوان قدیر احمد خان نے نعت رسول مقبول ﷺ پیش کی، اس موقع پر منہاج مصالحتی کونسل سپین کے صدر محمد اقبال چوہدری نے تمام شرکاء کو خوش آمدید کہا اور ان کا تعارف کروایا۔ بادالونا بلدیہ کے سابق ڈپٹی مئیر Josep Duranنے ڈاکٹر حسن محی الدین قادری سے خصوصی ملاقات کی۔ مقامی سپانش مہمانوں کی نمائندگی کرتے ہوئے سوشلسٹ پارٹی کے رہنماء Javier Paredesاور مقامی کمیونٹی کے رہنماء Manuel Cortesنے ڈاکٹر حسن محی الدین قادری کو خوش آمدید کہا اور پاکستانی کمیونٹی کے لیے اپنے نیک جذبات کا اظہار کرتے ہوئے کہا کہ انہیں اس ظہرانہ میں شرکت کر کے بے حد مسرت ہوئی۔ ڈاکٹر حسن محی الدین قادری کی طرف سے پاکستانی کمیونٹی کے مقامی لوگوں اور تنظیمات سے اچھے تعلقات پر خوشی کا اظہار کیا گیا۔ ظہرانہ کے بعد مہمانوں کو واپس بارسلونا رہائش گاہ پر لیجایا گیا جہاں پر انہوں نے مختصر قیام کیا۔

بارسلونا میں پیغام امن کانفرنس سے خطاب:

منہاج القرآن انٹرنیشنل سپین کی طرف سے 26جون 2013ء کی شام بارسلونا کے Apolo Hotelکے وسیع و عریض کانفرنس ہال میں پیغام امن کانفرنس کا انعقاد کیا گیا جس میں بارسلونا اور گردو نواح کے شہروں سے پاکستانی کمیونٹی نے بڑی تعداد میں شرکت کی۔ کانفرنس کا باقاعدہ آغاز تلاوتِ قرآن کریم سے کیا گیا جس کی سعادت منہاج اسلامک سنٹر اوسپتالیت کے امام و خطیب حافظ محمد عابد نقشبندی نے حاصل کی جس کے بعد الحاج قاری عبدالرحمان، محمد تنزیر الرحمان اور قدیر احمد خان نے نعت رسول مقبول ﷺ پیش کی، نقابت کے فرائض نوید احمد اندلسی اور حافظ اقبال اعظم (الازہری) نے سرانجام دیے۔ڈاکٹر حسن محی الدین قادری کانفرنس ہال پہنچے تو شرکاء نے کھڑے ہو کر نعروں کی گونج میں ان کا استقبال کیا، اس موقع پر بارسلوناکی بنگلہ دیشی کمیونٹی کی طرف سے انہیں پھول پیش کئے گئے، کانفرنس میں کاتالونیا کی سوشلسٹ پارٹی کے مرکزی رہنماء Jose Maria Sala نے خصوصی شرکت کی انہوں نے اپنی گفتگو میں ڈاکٹر حسن محی الدین قادری کو خوش آمدید کہا اور منہاج القرآن سپین کے کام اور سرگرمیوں کی تعریف کی۔ڈاکٹر حسن محی الدین قادری نے اپنے خطاب میں کہا کہ دین اسلام امن و سلامتی کا دین ہے اور اس پر عمل کرنے پر مسلمان امن کا پیکر ہے، انہوں نے کہا کہ دہشت گردی اور بے گناہ افراد کے قتل میں ملوث عناصر کا اسلام سے کوئی تعلق نہیں اور تحریک منہاج القرآن کا پیغام امن و سلامتی کا پیغام ہے، ڈاکٹر حسن محی الدین قادری نے شان مصطفی ﷺپر بھی گفتگو کی اور کہا کہ قرآن مجید میں اللہ تعالیٰ نے سرورِ کائناتﷺ سے نسبت رکھنے والی مختلف چیزوں کی قسم کھائی ہے۔ کانفرنس کا اختتام درود و سلام اور خصوصی دعا سے ہوا۔

منہاج اسلامک سنٹر بارسلونا میں استقبال:

نماز عشاء کے بعد ڈاکٹر حسن محی الدین قادری، تحریک کے یورپی قائدین اور منہاج القرآن سپین کے صدر محمد اکرم بیگ کے ہمراہ منہاج اسلامک سنٹر بارسلونا پہنچے تو منہاج یوتھ لیگ سپین کے نوجوانوں نے گلپاشی کی اور منہاج نعت کونسل کے صدر حافظ محمد عاطف احتشام نے اپنے ٹیم کے ہمراہ Welcome Welcome - Hassan Qadriکے ترانے کے ذریعے ان کا پرتپاک استقبال کیا۔

منہاج اسلامک سنٹر بارسلونا میں رفقاء و وابستگان سے خطاب:

منہاج القرآن انٹرنیشنل سپین کے زیر اہتمام نماز عشاء کے بعد منہاج اسلامک سنٹر بارسلونا میں رفقاء و وابستگان کے لیے خصوصی تربیتی نشست منعقد کی گئی، جس میں منہاج القرآن انٹرنیشنل سپین کے ذمہ داران، منہاج یوتھ لیگ سپین کے نوجوانوں، منہاج ویمن لیگ کی عہدیداران اور بارسلونا، بادالونا، اوسپتالیت، لوگرونیو اور دیگر شہروں سے منہاج القرآن کے وابستگان نے کثیر تعداد میں شرکت کی، اس تربیتی نشست کا باقاعدہ آغاز تلاوت کلام الٰہی سے حافظ محمد بلال نے کیا جبکہ نعت رسول مقبول ﷺ کی سعادت منہاج نعت کونسل کے نوجوانوں نے حاصل کی جنہوں نے دف کے ساتھ انتہائی خوبصورت انداز میں بارگاہ رسالت مآبﷺ میں عقیدت کے پھول نچھاور کیے، تربیتی نشست میں نقابت کے فرائض نوید احمدا ندلسی نے سر انجام دیے۔ ڈاکٹر حسن محی الدین قادری نے منہاج القرآن سپین کے رفقاء و وابستگان کے ساتھ اپنی گفتگو میں انہیں منہاج القرآن انٹرنیشنل کے پیغامِ فلاحِ انسانیت، امن و محبت اور اخوت و بھائی چارہ کو عام کرنے اور تحریک کی ذمہ داریاں احسن طریقہ سے سر انجام دینے کی تلقین کی، انہوں نے کہا کہ دین اسلام اور مصطفوی مشن کی دعوت دینا فقط علماء کا کام نہیں بلکہ ہر مسلمان اور ہر تحریکی پر لازم ہے۔

اسناد کی تقسیم اور ممبران سے ملاقات:

رفقاء وابستگان سے تربیتی خطاب کے بعد ڈاکٹر حسن محی الدین قادری نے مختلف شعبہ جات میں اعلیٰ کارکردگی کا مظاہرہ کرنے والی تنظیمات اور ممبران کو اسناد حسن کارکردگی سے نوازا جن میں منہاج القرآن بارسلونا، منہاج القرآن بادالونا، منہاج القرآن اوسپتالیت، منہاج القرآن لوگرونیو، منہاج یوتھ لیگ سپین، منہاج نعت کونسل، منہاج ویمن لیگ سپین، محمد نواز کیانی، ظل حسن قادری، نوید احمد اندلسی، محمد اقبال چوہدری، محمد نواز قادری، محمد قدیر احمد خان،چوہدری پرویز اختر اورحاجی لیاقت علی شامل ہیں۔اس موقع پر منہاج القرآن میں شامل ہونے والے نئے ممبران کو ممبر شپ کے سرٹیفیکیٹ بھی دیے گئے۔ منہاج القرآن اوسپتالیت کے قیام اور مسجد کی تعمیر کے سلسلہ میں اعلیٰ کارکردگی کا مظاہرہ کرنے پر حاجی زاہد اختر زاہدی کو خصوصی شیلڈ حسن کارکردگی سے نوازا گیا۔ ڈاکٹر حسن محی الدین قادری نے ورکرز کنونشن میں شریک تمام ممبران سے فرداً فرداً ملاقات اور مصافحہ بھی کیاجس کے دوران شرکاء نے یادگار تصاویر بھی بنائیں۔

جامع مسجد منہاج القرآن (بارسلونا) کا افتتاح:

27جون 2013کی صبح ڈاکٹر حسن محی الدین قادری نے جامع مسجد منہاج القرآن بارسلونا کا افتتاح کیا جس کے بعد سپین میں منہاج القرآن کے مراکز کی تعداد 5ہو گئی ہے، اس موقع پر منہاج القرآن بارسلونا کے عہدیدران بھی موجود تھے جن میں مرزا محمد اکرم بیگ، نوید احمد اندلسی، ارشد محمود کھوکھر، محمد اقبال چوہدری اور دیگر شامل ہیں۔ اس مسجد کی تعمیر کے سلسلہ میں احسن کارکردگی کا مظاہرہ کرنے پر منہاج القرآن انٹرنیشنل سپین کی طرف سے محمد اسحاق سیال کو خصوصی شیلڈ پیش کی گئی جو کہ انہوں نے ڈاکٹر حسن محی الدین قادری سے وصول کی۔

abc

ذیشان ریسٹورنٹ بارسلونا پر معززین بارسلونا کے ساتھ ناشتہ:

27جون 2013ء کی صبح منہاج القرآن بارسلونا نے ڈاکٹر حسن محی الدین قادری کے اعزاز میں مقامی ریسٹورنٹ پر ناشتہ کا اہتمام کیا جس میں خصوصی دعوت پر بارسلونا کی پاکستانی صحافی برادری اور کمیونٹی کے معززین نے شرکت کی۔ اس موقع پر صحافیوں کی طرف سے پاکستان میں حقیقی جمہوریت کے قیام کے لیے ڈاکٹر طاہر القادری، تحریک منہاج القرآن اور پاکستان عوامی تحریک کے کردار اور دنیا میں دین اسلام اور مسلمانوں پر دہشت گردی کے الزامات کے متعلق ڈاکٹر حسن محی الدین قادری سے مختلف سوالات کیے جس کے انہوں نے مفصل جوابات دیے۔ناشتہ پرہسپانوی مسلمانوں کے نمائندہ محمد یوسف نے بھی ڈاکٹر حسن محی الدین قادری سے خصوصی ملاقات کی۔

بارسلونا سپین سے روانگی:

بارسلونا سپین میں مختصر قیام، مختلف پروگرامز و تقریبات میں شرکت اور بارسلونا کے تحریکی عہدیداران کے ساتھ یادگار لمحات گزارنے کے بعد ڈاکٹر حسن محی الدین قادری اپنی اگلی منزل برطانیہ کی طرف روانہ ہو گئے۔ بارسلونا انٹرنیشنل ائیر پورٹ پر منہاج القرآن انٹرنیشنل سپین کے قائدین نے انہیں الوداع کیا۔