محبتوں کے پیامبر اور عالم سفیر امن شیخ الاسلام ڈاکٹر محمد طاہر القادری کو ان کی 58 ویں سالگرہ کے موقع دل کی گہرائیوں سے مبارک باد پیش کرنے کے لیے 19 فروری بروز جمعرات شام 5 بجے منہاج اسلامک سنٹر بارسلونا میں ایک شاندار تقریب کا انعقاد کیا جائے گا اس پروگرام میں تحریک منہاج القرآن بارسلونا کے عہدیداران ، منہاج ویمن لیگ، منہاج یوتھ لیگ اور بارسلونا کی پاکستانی کیمونٹی کے نمائندگان شرکت کریں گے ۔ تقریب میں خواتین کے شرکت کا باپردہ انتظام کیا گیا ہے ۔

تقریب میں قائدین منہاج القرآن بارسلونا اور مختلف سیاسی جماعتوں اور فلاحی تنظیمات سے تعلق رکھنے والے افراد شیخ الاسلام ڈاکٹر محمد طاہر القادری کی امت مسلمہ کے اتحاد اور عالمی امن کے قیام کے سلسلے میں کی جانے والی کوششوں پر اظہار خیال کریں گے ، ان میں منہاج مصالحتی کونسل بارسلونا کے ناظم محمد اقبال چوہدری، امیر تحریک منہاج القرآن بارسلونا علامہ عبد الرشید شریفی، ممتاز عالم دین علامہ مظفر حسین نقوی، نائب صدر پاکستان فیڈریشن افضال احمد بیدار، ڈائریکٹر ہم وطن جاوید مغل، نائب صدر پاک فیڈریشن چوہدری عامر سیال ،صدر پاکستان پریس کلب بارسلونا حافظ عبد الرزاق صادق ، ممتاز صحافی و NNA کے نمائندہ اور کلام نویس ظفر اقبال حسن اور صدر پاک کتالان ایسوسی ایشن خالد شہباز چوہان و دیگر شامل ہیں ۔

گزشتہ اتوار کو ہونے والے منہاج القرآن بارسلونا اور منہاج یوتھ لیگ سپین کے مشترکہ اجلاس میں اس پروگرام کے انتظامات کو حتمی شکل دے دی گئی ۔

منہاج القرآن بارسلونا کے زیرِ اہتمام جامع مسجد منہاج القرآن بارسلونا میں ماہانہ محفل گیارہویں شریف 15 فروری بروز اتوار کو بعد نمازِ عصر انعقاد پذیر ہو گی ، تلاوتِ قرآن کریم اور نعت رسول مقبول صلی اللہ علیہ وسلم کے بعد امیر منہاج القرآن بارسلونا علامہ عبد الرشید شریفی ماہ صفر المظفر میں ہونے والی اس محفل کے حوالے سے خصوصی خطاب فرمائیں گے ۔

منہاج القرآن بارسلونا کی طرف سے تمام اہلِ بارسلونا کو اس محفل میں شرکت کی دعوت ِعام دی گئی ہے ۔

منہاج القرآن انٹرنیشنل سپین بارسلونا کے زیرِ اہتمام 13ویں سالانہ شہادت کانفرنس بعنوان فلسفہ شہادت امام حسین(رضی اللہ عنہ) 11 جنوری بروز اتوار کو دن4 بجے (بعد از نمازِ عصر) منہاج اسلامک سنٹر بارسلونا میں انعقاد پذیر ہو گی ۔

منہاج القرآن بارسلونا کے زیرِ اہتمام گزشتہ 13 سال سے محرم الحرام کے پہلے عشرے میں شہدائے کربلا کی یاد میں یہ محفل منعقد کی جاتی ہے ، اس سال اس محفل میں امیرِ تحریک منہاج القرآن بارسلونا علامہ عبد الرشید شریفی خطاب کریں گے ، منہاج القرآن بارسلونا کی طرف سے تمام مسلمانوں کو اس محفل میں شرکت کی دعوتِ عام دی جاتی ہے ، محفل کے آخر میں شرکاءکے لیے لنگر کا اہتمام بھی کیا جائے گا ۔

اشتہار ۔

گزشتہ سالوں کی طرح اس مرتبہ بھی نمازِ عید الاضحٰی کا مرکزی اجتماع منہاج القرآن انٹرنیشنل سپین بارسلونا کے زیرِ انتظام بارسلونا سینٹر میں ہی ہو گا تاہم اس سال نمازیوں کی تعداد بہت زیادہ ہونے کے باعث جگہ کی تبدیلی کی گئی ہے ، اس مرتبہ اسپورٹس ہالEl Raval کی بجائے نمازِ عید Museu Marítim کے وسیع و عریض ہال میں ادا کی جائے گی ۔ پہلی جماعت 9 بجے جبکہ دوسری جماعت 9:45 پر ادا کی جائے گی ۔

منہاج القرآن بارسلونا کے ناظم تعلقاتِ عامہ محمد اقبال چوہدری نے نظامتِ نشرو اشاعت کو بتایا کہ گزشتہ عید کے موقع پر اسپورٹس ہال کی انتظامیہ سے منہاج القرآن بارسلونا کے مذاکرات ناکام ہونے پر اس مرتبہ نئی جگہ کا انتظام کیا گیا ہے تاکہ نماز کے لئے آنے والے افراد جو کسی بھی قسم کی مشکل کا سامنا نہ کرنا پڑی، انہوں نے بتایا کہ اسپورٹس ہال کی نئی انتظامیہ کا مطالبہ تھا کہ ایک نماز میں صرف 300 لوگ نماز ادا کریں جو ہمارے لیے نا قابلِ قبول تھا کیونکہ اس سے پہلے اسی اسپورٹس ہال میں 1700 افراد نماز ادا کرتے آئے ہیں ، منہاج القرآن بارسلونا کی طرف سے بہت ساری جگہوں کو دیکھنے کے بعد بالآخر مجسمہ کولمبس اور میٹرو Drassanes کے قریب واقع Museu Marítim کا انتخاب کیا گیا ہے ، جو کہ بارسلونا سینٹر میں ہے اور وہاں موسم خراب ہونے کی صورت میں بھی کوئی خطرہ نہیں ہے ، اس کے علاوہ انہوں نے بتایا کہ اس نئے ہال ایک وقت میں 2000 سے زیادہ افراد نماز ادا کر سکیں گے ۔

بارسلونا سینٹر سے باہر سے آنے والے نمازی Museu Marítim پہنچنے کے لئے میٹرو L-3.کا استعمال کرتے ہوئے Drassanes کے اسٹاپ پر اتریں ،جہاں 25منزلہ عمارت کے بالکل دائیں جانب Museu Marítim واقع ہے ، تمام احباب سے گزارش کی جاتی ہے کہ وہ نمازکے لئے آتے وقت با وضو تشریف لائیں اور وہاں موجود انتظامیہ سے تعاون کرتے ہوئے بہترین نظم و نسق کا مظاہرہ کریں، ہال میں داخل ہونے کے لئے Av Drassanes اور نکلتے وقت Portal de Santa Madrona کا دروازہ استعمال کیا جائے گا ، نمازیوں کی تعداد 2 جماعتوں میں پوری نہ ہونے کی صورت میں تیسری نماز کا انتظام بھی ہو گا ، اس بارے تفصیلات جاننے کے لئے منہاج القرآن بارسلونا کے ٹیلیفون نمبرز پر رابطہ کیا جا سکتا ہے (933 177 123 - 93 443 32 95 ) ۔

منہاج القرآن بارسلونا کی طرف سے نماز عید کی ادائیگی کے لئے بارسلونا میں نئی جگہ کا انتظام کیا گیا ہے جہاں 2500 سے زیادہ افراد ایک ہی وقت میں نماز ادا کر سکیں گے

‌‌

یورپی یونین کے دوسرے ممالک کی طرح سپین میں بھی ہفتہ 25 اور اتوار 26 اکتوبر کی درمیانی رات گھڑی کی سوئیوں کو ایک گھنٹہ پیچھےکردیا گیا ہے جس سے موسمِ سرما کے اوقات کا آغاز ہو گیا ہے اس تبدیلی کی وجہ سے بارسلونا میں منہاج القرآن کی مساجد میں نمازِ جمعہ کے اوقات کار میں بھی تبدیلی کیا جا رہی ہے ۔

آئندہ جمعۃ المبارک سے منہاج اسلامک سنٹر بارسلونا میں نماز جمعہ کی جماعت اب 1:45 پر ہوا کرے گی ، جامع مسجد منہاج القرآن بارسلونا میں نماز جمعہ کی پہلی جماعت 1:30 بجے ادا کی جائے گی اور دوسری جماعت 2:00 بجے ادا کی جائے گی ۔
اسی طرح منہاج القرآ ن کے زیرِ انتظام بادالونا میں ہونے والی نمازِ جمعہ کے وقت میں بھی تبدیلی کی گئی ہے جہاں آئندہ نماز جمعہ 2 بجے کرائی جائے گی ۔