بارسلونا میں اگست کے مہینے میں جمعہ کی نماز اسپورٹس ہال میں بھی اداء کی جائے گی
منہاج القرآن انٹرنیشنل سپین بارسلونا کے زیر انتظام ہمیشہ کی طرح اس سال بھی ماہ رمضان (اگست)کے دوران نماز جمعہ کی نماز منہاج اسلامک سنٹر بارسلونا کے علاوہ اسپورٹس ہال El Ravalمیں بھی اداء کی جائے گی جو کہ Rambla del Ravalپر واقع ہے ۔
اسپورٹس ہال 1:30بجے کھلا کرے گا اور نماز جمعہ کی جماعت 2:30بجے ہوا کرے گی ، ہال میں زیادہ سے زیادہ 800افراد داخل ہونے کی اجازت ہے ،مذکورہ تعداد مکمل ہونے پر ہال کا دروازہ بند کر دیا جائے گا، ہال میں نماز کے لیے آنے والے تمام افراد سے وقت کی پابندی اور باوضو آنے کی درخواست ہے ، کیونکہ ہال میں وضو کا انتظام نہیں ہے ۔
منہاج اسلامک سنٹر بارسلونا میں حسب معمول نماز جمعہ کی 3جماعتیں ہونگی ، پہلی جماعت 2:00بجے، دوسری جماعت 2:30بجے اور تیسری جماعت 3:15بجے ہو گی ۔
19جون بروز اتوار منہاج اسلامک سنٹر بارسلونا میں ماہانہ محفل گیارہویں شریف منعقد ہوئی جس کی صدارت سرپرست منہاج القرآن انٹرنیشنل سپین محمد نواز کیانی نے کی جبکہ خطاب منہاج ویلفیئر فاؤنڈیشن یورپ کے ڈائریکٹر علامہ محمد اقبال اعظم منہاجین نے کیا، محفل میں منہاج القرآن فرانس کے نائب صدر حاجی محمد یعقوب ، علامہ عبد الرشید شریفی اور مرزا نواز جرال نے خصوصی شرکت کی ۔
22مئی بروز اتوار ، منہاج اسلامک سنٹر بارسلونامیں ماہانہ محفل گیارہویں شریف منعقد ہوئی جس میں اہل بارسلونا نے کثیر تعداد میں شرکت کی ، محفل کے مہمان خصوصی منہاج اسلامک سنٹر لندن کے ڈائریکٹر علامہ صادق قریشی (منہاجین الازہری) تھے ۔اس محفل کی خصوصیت یہ تھی کہ اس میں سرکارِ دوعالم ﷺ کے موئے مبارک کی زیارت کروائی جانی تھی جس کی وجہ سے شرکاء کی تعداد دیدنی تھی ۔
