سپین میں عید اتوار 19اگست کو ہو گی ، منہاج القرآن انٹرنیشنل سپین کے مراکز پر نماز عید کے اوقات
سپین بھر میں مسلمان عید الفطر 19اگست 2012بروز اتوار کو منائیں گے ، ہر سال عیدین کے موقع پر منہاج القرآن انٹرنیشنل سپین کے زیر اہتمام بڑے بڑے اجتماعات کا انعقاد کیا جاتا ہے جن میں ہزاروں افراد شرکت کرتے ہیں ، اس دفعہ بارسلونا، بادالونا اور لوگرونیو کے علاوہ اوسپتالیت میں بھی نماز عیدکی ادائیگی کا انتظام کیا گیا ہے ، جگہ کی کمی کے باعث ایک سے زیادہ جماعتوں کا اہتمام کیا گیا ہے جن کی تفصیلات مندرجہ ذیل ہیں ۔
منہاج اسلامک سنٹر بارسلونا : پہلی جماعت:8:15 بجے ، دوسری جماعت:9:00بجے ، تیسری جماعت:9:45بجے
اسپورٹس ہال بارسلونا : پہلی جماعت:8:00 بجے ، دوسری جماعت:8:45بجے ، تیسری جماعت:9:30بجے
منہاج اسلامک سنٹر اوسپتالیت : پہلی جماعت:8:00 بجے ، دوسری جماعت:8:45بجے، تیسری جماعت : 9:30بجے
اسپورٹس ہال بادالونا : جماعت : 9:00بجے
اسپورٹس ہال لوگرونیو : جماعت : 9:15بجے
بادالونا میں اسپورٹس ہال B9سکول میں 5000افراد کی گنجائش ہے اس لیے وہاں ایک ہی جماعت کا اہتمام کیا گیا ہے اسی طرح منہاج القرآن لوگرونیو میں بھی ایک ہی جماعت ہو گی ۔ منہاج القرآن کی انتظامیہ کی طرف سے نمازیوں درخواست کی گئی ہے کہ وہ وقت کی پابندی کریں اور باوضو تشریف لائیں ۔
8اگست 2012 کو نماز مغرب سے قبل منہاج اسلامک سنٹر بارسلونا میں 20، منہاج اسلامک سنٹر بادالونا میں 10اور منہاج اسلامک سنٹر اوسپتالیت میں 10افراد اعتکاف بیٹھ گئے ہیں جن میں اکثریت نوجوانوں کی ہے۔ معتکفین کی سحری اور افطاری کا انتظام منہاج القرآن کی بارسلونا، لوگرونیو، بادالونا اور اوسپتالیت کے انتظامیہ کی طرف سے کیا جائے گا ۔
منہاج القرآن انٹرنیشنل سپین (بارسلونا) کے زیر اہتمام 27جولائی 2012ء کو نماز جمعہ کا اجتماع Escola Piaکے اسپورٹس ہال میں منعقد ہوا جس میں سینکڑوں افراد نے نماز اداء کی ۔ اس موقع پر منہاج اسلامک سنٹر بارسلونا کے امام قاری عبد الرزاق نقشبندی نے رمضان المبارک اور روزہ کی اہمیت پر خطاب کیا ، اپنے خطاب میں انہوں نے بتایا کہ رمضان المبارک صدقات، خیرات اور زکوٰۃ کی ادائیگی کے لیے بہترین موقع ہے کیونکہ اس ماہ میں نیک کام کا اجر 70گنا ہوتا ہے ، انہوں نے بتایا کہ منہاج ویلفیئر فاؤنڈیشن دنیا بھر میں فلاح انسانیت کے لیے کام کر رہی ہے ۔ اس موقع پر انتظام و انصرام منہاج یوتھ لیگ سپین نے بلال یوسف اور خرم شبیر کی قیادت میں سرانجام دیے ۔بارسلونا میں 3، 10اور 17اگست کو نماز جمعہ کا مرکزی اجتماعRambla Ravalپر واقع اسپورٹس ہال میں ہو گا ۔
20جولائی 2012کو بادالونا میں ہزاروں مسلمانوں نے منہاج القرآن انٹرنیشنل سپین (بادالونا) کے زیر اہتمام Sant Rocمیں واقع سکینڈری سکول B9کے گراؤنڈ میں نماز جمعہ اداء کی۔ نماز جمعہ کے اجتماع سے منہاج القرآن بادالونا کے امام حافظ محمد معروف اور منہاج مصالحتی کونسل سپین کے صدر محمد اقبال چوہدری نے خطاب کیا ۔ اجتماع سے خطاب کرتے ہوئے محمد اقبال چوہدری نے نماز جمعہ کی ادائیگی کے لیے جگہ کے حصول میں پیش آنے والی تمام مشکلات سے عوام کو آگاہ کیا ۔۔اس موقع پر مختلف سپانش ٹیلی ویژن چینلز اور اخبارات کے نمائندگان بھی موجود تھے ۔
نماز جمعہ کے بعد ہسپانوی و کاتالان میڈیا کے نمائندوں سے گفتگو کرتے ہوئے محمد اقبال چوہدری (صدر منہاج مصالحتی کونسل سپین) نے بتایا کہ بلدیہ بادالونا کی طرف سے رمضان المبارک میں نماز جمعہ اور نماز تراویح اداء کرنے کے لیے یہ جگہ 30یورو فی گھنٹہ کے کرایہ پر فراہم کی گئی ہے اور اس کے لیے منہاج القرآن سپین کی طر ف سے 6000یورو بطور گارنٹی جمع کروائے گئے ہیں ۔انہوں نے بتایا کہ رمضان المبارک میں کیمونٹی کی ضرورت اور مقامی انتظامیہ سے تنازع سے بچنے کے لیے یہ جگہ قبول کی گئی ہے ۔ انہوں نے اس عزم کا اظہار کیا کہ منہاج القرآن کی طرف سے رمضان المبارک کے بعد بھی وسیع جگہ حاصل کرنے کے لیے کوششیں جاری رکھی جائیں گے ۔
منہاج القرآن انٹرنیشنل سپین کے زیر اہتمام 16جون 2012کو نماز عشاء کے بعد (رات 12بجے )منہاج اسلامک سنٹر بارسلونا میں سالانہ محفل معراج النبی ﷺ منعقد ہوئی جس میں اہل بارسلونا نے کثیر تعداد میں شرکت کی ۔ اس موقع پر ثناء خوانان حضرات نے نعتیں پیش کیں جبکہ آقائے دو جہاں ﷺ کا سفر معراج النبی ﷺ بیان کرنے کے لیے پیرس (فرانس) سے منہاج ویلفیئر فاؤنڈیشن یورپ کے ڈائریکٹر علامہ حافظ اقبال اعظم منہاجین (الازہری) تشریف لائے ۔
