غزہ کی معصوم عوام پر اسرائیلی جارحیت کی مذمت کرتے ہیں، اقوام متحدہ اور یورپی یونین نوٹس لے، منہاج القرآن سپین
13 جولائی 2014ء کو تنظیم کے ہنگامی اجلاس میں منہاج القرآن انٹرنیشنل سپین کے رہنماؤں نے غزہ (فلسطین) پر اسرائیلی فوج کے حملوں کی سخت الفاظ میں مذمت کرتے ہوئے اقوام متحدہ اور یورپی یونین سمیت انسانی حقوق کی تنظیمات اور عالمی اداروں سے مطالبہ کیا کہ وہ غزہ کے نہتے لوگوں پر اسرائیلی فوج کی ریاستی دہشتگردی پر نوٹس لیں۔ اجلاس میں غزہ پرصیہونی افواج کے حملوں میں شہید ہونے والے فلسطینیوں کے لیے دعا بھی بھی کی گئی۔
منہاج القرآن انٹرنیشنل سپین کے صدر مرزا محمد اکرم بیگ نے اسرائیلی مظالم پر مسلم حکومتوں کی خاموشی کو انتہائی افسوس ناک قرار دیا۔ اس موقع پر منہاج مصالحتی کونسل سپین کے صدر محمد اقبال چوہدری، پاکستان عوامی تحریک سپین کے صدر قدیر احمد خان اور دیگر رہنماء بھی موجود تھے جنہوں نے اسرائیلی فوج کی وحشیانہ کارروائیوں کی پرزور الفاظ میں مذمت کی اور عالمی اداروں سے ان مظالم کا نوٹس لینے کا مطالبہ کیا۔
اس موقع پر القائم اسلامک سنٹر بارسلونا کی جانب سے علامہ سجاد حیدر قمی، پاکستان عوامی تحریک سپین کی طرف سے قدیر احمد خان، بادالونا کی شیعہ کمیونٹی کی طرف سے ظہیر شیرازی،پاکستان مسلم لیگ ق کی طرف سے عبدالغفار مرہانہ، کاتالان فیڈریشن کے طارق حفیظ عباسی، خالد شہباز چوہان، پاکستان مسلم لیگ ق کی خواتین ونگ کی طرف سے محترمہ جوزفین کرسٹینا، کاتالان سوشلسٹ پارٹی کے رہنماء حافظ عبدالرزاق صادق، منہاج ویمن لیگ سپین کی طرف سے محترمہ صغریٰ بی بی نے خطاب کیا اور پنجاب پولیس کی وحشیانہ کارروائی کی سخت الفاظ میں مذمت کی، ذمہ داران کے استعفوں کا مطالبہ کیا اور واقعہ میں شہید ہونے والوں کے لواحقین کے ساتھ ہمدردی کا اظہار کیا۔منہاج القرآن سپین کے رہنماء محمد اقبال چوہدری نے قراردادِ مذمت پڑھ کر سنائی جسے بعد ازاں پاکستانی قونصلیٹ جنرل کے ویلفیئر قونصلر محمد اسلم غوری کو پیش کیا گیا۔
احتجاجی مظاہرے کے شرکاء نے پاکستان اور عوامی تحریک کے جھنڈے اور مختلف بینر اٹھا رکھے تھے جن پر حکومت عہدیداران کے خلاف نعرے درج تھے۔ اس موقع پر احتجاج کی کوریج کے لیے مختلف آن لائن پاکستانی اخبارات اور پاکستانی ٹیلی ویژن چینلز کے سپین میں نمائندگان بھی بڑی تعداد میں موجود تھے۔ مظاہرے کو منظم رکھنے کے لیے منہاج یوتھ لیگ سپین کے نوجوانوں کی ڈیوٹی لگائی گئی جبکہ مقامی پولیس بھی موجود تھی۔ پر امن احتجاجی مظاہرہ کے بعد منہاج القرآن سپین کے امیر علامہ عبدالرشید شریفی نے سا نحہ ماڈل ٹاؤن میں شہید ہو نے والے افراد کے درجات کی بلندی کے لئے دعا کی۔ پاکستان عوامی تحریک سپین کے صدر قدیر احمد خان، منہاج القرآن انٹرنیشنل سپین کے صدر مرزا محمد اکرم بیگ، نائب صدر نوید احمد اندلسی اور سیکریٹری جنرل بلال یوسف نے احتجاج میں شرکت کرنے والی تمام جماعتوں اور تنظیموں کے سربراہان اور عوام الناس کا شکریہ اداء کیا۔
منہاج القرآن سپین کے ترجمان اور منہاج مصالحتی کونسل سپین کے صدر محمد اقبال چوہدری نے پریس کانفرنس کے دوران گفتگو کرتے ہوئے کہا کہ ہم پنجاب پولیس کی طرف سے ماڈل ٹاؤن لاہور میں تحریک کے ہیڈکوارٹر پر حملے کی بھرپور مذمت کرتے ہیں، واقعے میں شہید ہونے والے عظیم کارکنان کے عزم و ہمت کو خراج تحسین پیش کرتے ہیں اور ان کے لواحقین کے ساتھ اظہارِ یکجہتی کرتے ہیں۔انہوں نے کہا کہ رات کی تاریکی میں ہونے والی اس کارروائی کو پنجاب حکومت کی سرپرستی حاصل تھی۔ محمد اقبال چوہدری نے واضح کیا کہ ایسے ہتھکنڈوں سے تحریک منہاج القرآن اور پاکستان عوامی تحریک کے کارکنان کے عزم و استحکام اور حوصلوں کو پست نہیں کیا جا سکتا۔ انہوں نے اس واقعہ کے بعد بارسلونا اور سپین کے دیگر شہروں میں مقیم ایسی ان تمام پاکستانی سماجی و سیاسی شخصیات کا شکریہ اداء کیا جنہوں نے ملاقات اور ٹیلیفون کے ذریعے پنجاب حکومت کے اس بہیمانہ فعل کی مذت کی اور پاکستان عوامی تحریک کے کارکنان کے ساتھ اظہار یکجہتی کیا۔
صدر پاکستان عوامی تحریک سپین قدیر احمد خان اور نوید احمد اندلسی نے بھی اپنی گفتگو میں پنجاب حکومت کی سرپرستی میں ہونے والی اس وحشیانہ کارروائی کی سخت الفاظ میں مذمت کی اور اس کے بعد بننے والے جوڈیشل کمیشن کو حقائق چھپانے کا طریقہ قرار دیتے ہوئے اسے مسترد کر دیا۔ قدیر احمد خان نے کہا کہ پاکستان عوامی تحریک سپین کے کارکنان اس بہیمانہ فعل میں شہید ہونے والے افراد کے ساتھ اظہار یکجہتی کرتے ہیں۔ نوید احمد اندلسی نے ایک صحافی کے سوال کے جواب میں بتایا کہ حکومت اس کارروائی کے ذریعے پاکستان عوامی تحریک کے کارکنان کے حوصلوں کو پست کرنا چاہتی ہے جس میں انہیں کامیابی حاصل نہیں ہو گی، ہمارے کارکنان کے حوصلے مزید پختہ ہونگے، انہوں نے واضح کیا کہ 23جون2014ء کو ڈاکٹر طاہرالقادری کی اسلام آباد آمد اپنے طے شدہ شیڈول کے مطابق ہو گی اور اس دن جس تحریک کا آغاز ہو گا وہ ان حکمرانوں اور اس سارے کرپٹ نظام کے خاتمے تک جاری رہے گی۔ انہوں نے مزید کہا کہ حکومت 11مئی کو ہونے والے ملک گیر احتجاجی مظاہروں اور ڈاکٹر طاہرالقادری کی وطن واپسی سے خوفزدہ ہے۔ نوید احمد اندلسی نے اس واقعہ کے بعد میڈیا چینلز کی طرف سے حقائق اور سچ پر مبنی کوریج کرنے پر پریس کانفرنس میں موجود چینلوں کے نمائندگان کے ذریعے ان کا شکریہ اداء کیا۔
پاکستان عوامی تحریک کے صدر قدیر احمد خان نے شدت پسندی اوردہشتگردی کے خلاف پاک فوج کے ضرب عضب آپریشن کی بھرپور حمایت کرتے ہوئے کہا ہے کہ یہ آپریشن ملک بھر سے ہر قسم کی دہشتگردی اور شدت پسندی کے مکمل خاتمے تک جاری رہنا چاہیے۔
11جون 2014ء بروز بدھ منہاج القرآن انٹرنیشنل سپین کے اجلاس میں تنظیم کے عہدیداران نے ARYNews کے سینئر اینکر پرسن ڈاکٹر دانش کی والدہ کے انتقال پر گہرے دکھ اور افسوس کا اظہار کیا اور ان کی مغفرت کے لیے خصوصی دعا کی۔ اس موقع پر منہاج یورپین کونسل کے امیر علامہ حسن میر قادری اور منہاج القرآن انٹرنیشنل سپین کے صدر مرزا محمد اکرم بیگ نے کہا کہ دکھ کی اس گھڑی میں منہاج القرآن یورپ اور سپین کے تمام کارکنان ڈاکٹر دانش کے ساتھ ہیں اور دعا گو ہیں کہ اللہ تعالیٰ مرحومہ کو حضور ﷺ کی شفاعت نصیب فرمائے اور جنت الفردوس میں اعلیٰ مقام عطاء کرے۔
