دنیا بھر میں انٹرنیٹ کے ذریعے تعلیم دینے کے لیے تحریک منہاج القرآن کی نئی ویب سائٹ کا افتتاح
گزشتہ 30سال سے تحریک منہاج القرآن پاکستان اور دنیا بھر میں فروغ تعلیم کے لیے سر گرم عمل ہے اور اس کے تحت پاکستان میں 573سکولز و کالجز اور 1یونیورسٹی بھی قائم ہے، جہاں سے ہر سال ہزاروں طلبہ و طالبات علم کے زیور سے آراستہ ہوتے ہیں ۔
اب دور جدید میں جب انٹرنیٹ کی وجہ سے پوری دنیا سمٹ کر ایک گاؤں کی شکل اختیار کر چکی ہے تو بالخصوص یورپ و امریکہ کے ممالک میں بسنے والے پاکستانیوں کے لیے اپنے بچوں کو پاکستان بھیج کر تعلیم دلوانہ مشکل بلکہ ناممکن ہو جاتا ہے ، اس تمام صورت حال میں تحریک منہاج القرآن نے ایک انقلابی قدم اٹھاتے ہوئے 2010ء میں انٹرنیٹ کے ذریعے تعلیم فراہم کرنے کے لیے eLearningکے نام سے نئے شعبہ کا آغاز کیا تھا جس میں پہلے سال کے دوران عرب، آسٹریلیا یورپ اور امریکہ کے ممالک سے سینکڑوں طلباء و طالبات فارغ التحصیل ہو چکے ہیں، جنوری 2011ء میں اس شعبہ کی الگ ویب سائٹ www.equranclass.comبھی لانچ کر دی گئی ہے ۔
ای لرننگ میں گزشتہ سال ناظرہ قرآن کریم کورس، قرات و تجوید کورس، عرفان القرآن کورس اور ترجمہ قرآن کورس شامل تھے اور اس سال ان میں مزید اضافہ کرتے ہوئے حدیث کورس، سیرت الرسول کورس، عقائد کورس، عربی زبان کورس اور اردو زبان کورس شامل ہیں اور اس طرح اپنی ثقافت اور اپنے دین کے علم کے لیے ہر عمر سے تعلق رکھنے والے مرد و خواتین کے لیے نیا موقع فراہم کر دیا گیا ہے ۔ کورسزکی فیس انتہائی مناسب مقرر کی گئی ہے اور کورسز میں شیخ الاسلام ڈاکٹر محمد طاہر القادری کے شاگرد اور منہاج یونیورسٹی (کالج آف شریعہ )سے فارغ التحصیل قابل ترین اساتذہ اپنی تدریسی خدمات فراہم کر رہے ہیں ۔ ان کورسز کی سب سے بڑی خوبی یہ ہے کہ ان میں کلاسز کے اوقات کار طلباء کی سہولت و مرضی کے مطابق ہوتے ہیں۔ کورسز کے حوالے سے مزید تفصیلات کے لیے شعبہ ای لرننگ منہاج القرآن انٹرنیشنل کی ویب سائٹ وزٹ کی جا سکتی ہے ۔
شام 5بجے طرطوسہ پہنچنے پر طرطوسہ مسجد کمیٹی کے چیئر مین غلام دستگیر بٹ ، معروف بزنس مین سلیم بھٹی اور ان کے دیگر ساتھیوں نے منہاج القرآن سپین کے قائدین کا پرتپاک استقبال کیا ۔نماز مغرب کی ادائیگی کے بعد میزبان تنظیم (طرطوسہ مسجد کمیٹی) کے عہدیداران کے ساتھ میٹنگ ہوئی جس میں کمیٹی کے چیئر مین غلام دستگیر بٹ نے طرطوسہ مسجد کمیٹی کے قیام سے اب تک کی روداد سنائی اور بتایا کہ ہم عرصہ دراز سے طرطوسہ میں پاکستانی کیمونٹی کے لیے ایک ایسا مرکز (مسجد) بنانے کی منصوبہ بندی کر رہے ہیں جو کہ ہماری آئندہ نسلوں کے دینی مستقبل کو محفوظ کرے اور اس مقصد کے حصول کے لیے اور سپین کے حالات کے پیش نظر طویل غور و حوض کے بعد ہم اس نتیجہ پر پہنچے ہیں کہ ہمیں کسی نظم کا حصہ بننا ہو گا، انہوں نے بتایا کہ میں ذاتی طور پر تحریک منہاج القرآن کے کام سے متاثر ہو ں اور یہی چاہتا ہوں کہ ہم منہاج القرآن کا حصہ بن جائیں تاہم اس سلسلے میں دیگر عہدیداران سے مشاورت جاری ہے اور چند ہفتوں تک فیصلہ کر لیا جائے گا۔ کمیٹی کے ممبران نے منہاج القرآن بارے مختلف سوالات کیے جن کے تفصیلی جوابات دیے گئے ۔
27نومبر بروز ہفتہ منہاج القرآن انٹرنیشنل سپین (بارسلونا)کے زیر اہتمام منہاج اسلامک سنٹر بارسلونا میں عید ملن پارٹی کا اہتمام کیا گیا جس میں منہاج القرآن کے رفقاء و وابستگان کے علاوہ مسجد کے مستقل نمازیوں ، اہل محلہ اور منہاج ویمن لیگ سپین کی ممبران نے کثیر تعداد میں شرکت کی ۔
28نومبر بروز اتوار منہاج القرآن انٹرنیشنل سپین (بارسلونا) کی مرکزی تنظیم کے عہدیداران کے وفد نے بارسلونا کے ہمسایہ شہر Santa Coloma de Gramanetکا دعوتی دورہ کیا ، وفد کے اراکین میں نوید احمد اندلسی(سیکریٹری جنرل)، محمد نواز قادری(ناظم مالیات)، محمد اکرم اعوان ( سیکریٹری شعبہ ویلفیئر) اور محمد عثمان قادری(نائب ناظم نشرو اشاعت) شامل تھے ۔وفد کا استقبال سانتا کولوما میں رہائش پذیر MQIسپین کی مرکزی تنظیم کے ایگزیکٹو ممبر حاجی طاہر پرویز نے کیا اس موقع پر ان کے صاحبزادے محمد حسن طاہر اور دوست ہارون اکبر بھی موجود تھے ۔ اس دورے کا بنیادی مقصد سانتا کولوما میں منہاج القرآن انٹرنیشنل کا پیغام پہنچانا تھا ، ادارہ شماریات کے مطابق مذکورہ شہر میں قریباً 2000پاکستانی رہائش پذیر ہیں ۔
منہاج ویلفیئر فاؤنڈیشن یورپ کے ڈائریکٹر علامہ محمد اقبال اعظم (منہاجین) نے نوید احمد اندلسی کو منہاج القرآن انٹرنیشنل سپین کی تنظیم نو کے بعد ایک مرتبہ پھر 2سال کے لیے سیکریٹری جنرل نامز ہونے پر خصوصی مبارک باد دی اور ان کی کامیابی کے لیے دعائیہ کلمات کہے، انہوں نے کہا کہ نوید احمد اندلسی کا دوبارہ اس ذمہ داری کے لیے منتخب ہونا یقیناًان کی مصطفوی مشن کے لیے محنت و لگن کا نتیجہ ہے ، انہوں نے کہا کہ نوید احمد اندلسی اس عمر کے دیگر نوجوانوں کے لیے ایک مثال کی حیثیت رکھتے ہیں، انہوں نے منہاج القرآن سپین کے نو منتخب صدر مرزا محمد اکرم بیگ اور دیگر نو منتخب عہدیداران کے لیے بھی مبارک باد کے پیغامات ارسال کیے ۔