منہاج اسلامک سنٹر بارسلونا میں منعقدہ سالانہ محفل معراج النبی ﷺ سے علامہ عبدالستار سراج(ڈنمارک) کا خطاب
26مئی 2014ء بروز سوموار منہاج اسلامک سنٹر بارسلونا میں سالانہ محفل معراج النبی ﷺ منعقد ہوئی جس میں منہاج القرآن انٹرنیشنل ڈنمارک کے امیر علامہ عبدالستار سراج نے خطاب کیا ۔ محفل میں اہل بارسلونا کی کثیر تعداد نے شرکت کی۔
محفل کا باقاعدہ آغاز تلاوت قرآن کریم اور نعت رسول مقبول ﷺ سے کیا گیا جس کی سعادت بالترتیب حافظ محمد بلال اور حافظ عاطف احتشام نے حاصل کی۔ محفل میں معروف نعت خوان اور منہاج القرآن بادالونا کے نائب صدر قدیر احمد خان نے بھی حضور ﷺ کی بارگاہ میں عقیدت کے پھول نچھاور کیے۔ نقابت کے فرائض محمد اقبال چوہدری نے سرانجام دیے۔ مہمان خطیب، منہاج القرآن انٹرنیشنل ڈنمارک کے نائب امیر علامہ عبدالستار سراج نے کلام اللہ اور حدیث نبوی ﷺ کی روشنی میں واقعہ معراج النبی ﷺ اور سیرت النبی ﷺ کے مختلف گوشے بیان کیے۔ محفل کا اختتام خصوصی دعا پر ہوا جس کے بعد لنگر تقسیم کیا گیا۔
رپورٹ: محمد وقاص راجہ سیکریٹری میڈیاMQIسپین
16مئی 2014ء بروزجمعۃالمبارک منہاج اسلامک سنٹر، بارسلونا میں عظیم الشان محفل حسن قرات و نعت کا انعقاد کیا گیا۔ محفل کاباقاعدہ آغاز تلاوت قرآن مجید سے ہوا جس کی سعادت منہاج اسلامک سنٹر کے امام حافظ بلال نے حا صل کی جبکہ نعت رسول مقبول ﷺمنہاج نعت کونسل کے روح رواں، مشہور نعت خواں اور منہاج القرآن بادالونا کے نائب صدر قدیر احمد خان اور ان کے شاگرد حافظ عاطف احتشام نے پیش کی اور اسٹیج سیکرٹری کے فرائض امام منہاج اسلامک سنٹر بارسلونا حافظ محمد معروف نے سر انجام دیے۔ محفل میں پاکستان قونصلیٹ جنرل بارسلونا کے ویلفیئر قونصلر محمد اسلم غوری نے بھی خصوصی شرکت کی۔
9مارچ 2014ء بروز اتوارمنہاج اسلامک سنٹر بارسلونا میں مقامی بنگلہ دیشی کمیونٹی کے زیر اہتمام محفل میلاد النبی ﷺ منعقد کی گئی جس میں پاکستانی اور بنگلہ دیشی مسلمانوں نے کثیر تعداد میں شرکت کی۔ پروگرام میں خواتین کی شرکت کے لیے الگ سے باپردہ انتظام بھی موجود تھا۔ محفل میں بنگلہ دیشی کمیونٹی کی دعوت پر برطانیہ سے تشریف لانے والے مفتی حسین احمد، منہاج اسلامک سنٹر بارسلونا کے امام حافظ محمد معروف اور منہاج مصالحتی کونسل سپین کے صدر محمد اقبال چوہدری نے خطاب کیا۔ منہاج القرآن انٹرنیشنل سپین کے سیکریٹری جنرل بلال یوسف، ناظم منہاج اسلامک سنٹر بارسلونا چوہدری پرویز اختر اور حاجی لیاقت علی نے بھی محفل میں شرکت کی۔
دنیا کے دیگر ممالک کی طرح منہاج القرآن انٹرنیشنل سپین کے زیر اہتمام بھی منہاج اسلامک سنٹر بارسلونا میں ARYNews کے بانی چیئر مین حاجی عبدالرزاق یعقوب مرحوم کی روح کے ایصال ثواب کے لیے قرآن خوانی کی محفل کا اہتمام کیا گیا جس میں پاکستانی کمیونٹی کی مذہبی، سماجی اور سیاسی شخصیات اور عوام الناس نے بڑی تعداد میں شرکت کی، اس محفل میں منہاج یورپین کونسل کے صدر چوہدری اعجاز احمد وڑائچ اور سیکریٹری جنرل محمد بلال اپل بھی موجود تھے۔ محفل کی کوریج کے لیے مقامی پاکستانی اخبارات اور آن لائن نیوز ویب سائٹس سے تعلق رکھنے والے صحافی حضرات بھی موجود تھے ۔ کیا گیا۔
صدر منہاج مصالحتی کونسل سپین محمد اقبال چوہدری نے مرحوم کی دینی و مذہبی اور سماجی خدمات کو خراج تحسین پیش کرتے ہوئے کہا کہ یورپ میں رہنے والے پاکستانی مسلمانوں پر QTV کا قیام حاجی عبدالرزاق کا عظیم احسان ہے کیونکہ یہ چینل جہاں مسلمان نوجوانوں کی دینی تربیت کا سامان فراہم کر رہا ہے وہاں عقیدۂ صحیحہ کے دفاع اور فروغ کے لیے بھی عظم کردار ادا کر رہا ہے۔انہوں نے کہا کہ اس دور فتن میں جہاں بہت سے ذرائع ابلاغ دینی اقدار کو مٹانے اور نقصان پہنچا نے کا باعث بن رہے ہیں وہاں دینی اقدار کے فروغ اور مضبوطی کے لیے جس شخصیت نے کام کیا وہ حاجی عبدالرزاق یعقوب مرحوم ہیں۔ کیا گیا۔
ہر سال کی طرح اس مرتبہ بھی منہاج القرآن انٹرنیشنل سپین کے 4 مراکز پر مسنون اعتکاف کا انتظام کیا گیا ہے، تفصیلات کے مطابق منہاج اسلامک سنٹر بارسلونا میں 15، منہاج اسلامک سنٹر بادالونا میں 6، منہاج اسلامک سنٹر اوسپتالیت میں 12 اور منہاج اسلامک سنٹر لوگرونیو میں 7 افراد اعتکاف کی سنت اداء کر رہے ہیں، معتکفین میں ہر عمر کے افراد شامل ہیں۔ منہاج القرآن بارسلونا، بادالونا، لوگرونیو اور اوسپتالیت کی انتظامیہ کی طرف سے معتکفین کی سحری اور افطاری کے بہترین انتظامات کیے جا رہے ہیں۔
