7 جون بروز ہفتہ کو اٹلی کے شہر بیرگامو میں منہاج یورپین کونسل کی مجلسِ عاملہ کا اجلاس ہوا جس میں (امیر)علامہ حسن میر قادری ،(صدر) سید ارشد شاہ، (نائب صدر )چوہدری محمد سرور، (سیکریٹری جنرل )علامہ اقبال اعظم اور (نائب ناظم نشرو اشاعت )نوید احمد اندلسی نے شرکت کی ۔

اجلاس کا باقاعدہ آغاز تلاوتِ قرآن کریم اور درود و سلام سے ہوا جس کے بعد سیکریٹری جنرل علامہ اقبال اعظم نے امیرِ تحریک منہاج القرآن یورپ علامہ حسن میر قادری کو ابتدائی کلمات اور اجلاس کا ایجنڈا پیش کرنے کی دعوت دی۔علامہ حسن میر قادری نے شرکاءاجلاس کو خوش آمدید کہا، ابتدائی کلمات کہے اور اجلاس کا ایجنڈا پیش کیا اس دوران امتِ مسلمہ اور بالخصوص تحریک منہاج القرآن کے دنیا بھر میں بسنے والے رفقاءکے لیے خصوصی دعا کی گئی ۔

اجلاس کے پہلے حصے میں ماہِ جولائی کے آخر میں شروع ہونے والے مرکزی قائدین کے دورہ یورپ کا شیڈول زیرِ بحث آیا جس میں یورپ بھر کی مختلف تنظیمات کی جانب سے موصول ہونے والی تجاویز کی روشنی میں حتمی شیڈول طے کیا گیا جس کے مطابق مرکزی قائدین کا دورہ 24 جولائی کو اٹلی سے شروع ہو گا اور 11 اگست کو ناورے میں ختم ہو گا۔

اس دورے میں تحریک منہاج القرآن کی سپریم کونسل کے صدر صاحبزادہ حسن محی الدین قادری اور مرکزی ناظم اعلیٰ ڈاکٹر رحیق احمد عباسی یورپ میں تحریک منہاج القرآن کے مختلف مراکز کا دورہ کریں گے جس میں وہ تحریک منہاج القرآن کی تنظیمات کی طرف سے اصلاحِ احوالِ امت اور بین المذہبی ہم آہنگی کے بارے کیے جانے والے کاموں کا جائزہ لیں گے ۔اس دوران مرکزی قائدین اٹلی، یونان، سپین ، فرانس، فرمنی، ڈنمارک، سویڈن اور ناروے دورہ کے علاوہ ہالینڈ میں ہونے والی محفل سماع میں بھی شرکت کریں گے ۔ منہاج القرآن کی تنظیمات مذکورہ بالا تمام جگہوں پر رفقاءکنونشنز اور یوتھ و ویمن لیگ کے لیے تربیتی نشستیں منعقد کریں گی جبکہ ہر جگہ عظیم الشان محافل و کانفرنسز منعقد ہونگی ۔

اس کے بعد اجلاس میں دیگر معاملات بھی زیرِ غور آئے جس میں گزشتہ مہینوں میں مرکزی نظامتِ دعوت کی جانب سے آنے والے فاضلین کے دورہ یورپ کے بارے گفتگو کی گئی، فرانس میں تحریک منہاج القرآن کے سرگرم رکن خلیل احمد راؤ پر ہونے والے حملے کی مذمت کی گئی اور منہاج القرآن انٹرنیشنل سپین کو بادالونا میں نیا مرکز خریدنے پر مبارک باد دی گئی۔

مجلسِ عاملہ کا ہفتہ کو شروع ہونے والا یہ اجلاس مسلسل 3 روز جاری رہنے کے بعد پیر کے دن اختتام پذیر ہوا ، منہاج یورپین کونسل کا اگلا اجلاس ماہِ اگست میں ہو گا جس میں تمام ملکی تنظیمات کے صدور بھی شرکت کریں گے ۔

گزشتہ اتوار (23 مارچ )کو جامع مسجد منہاج القرآن بارسلونا میں حاجی مظہر حسین کی زیرِ صدارت منہاج القرآن انٹرنیشنل سپین بارسلونا کی مرکزی مجلس عاملہ کا ہفتہ وار اجلاس انعقاد پذیر ہوا جس میں سالانہ محفلِ میلاد النبی صلی اللہ علیہ وسلم کے انتظامات کوحتمی شکل دی گئی، اس اجلاس میں منہاج القرآن بارسلونا کے مرکزی ذمہ داران نے شرکت کی اور میلاد النبی صلی اللہ علیہ وسلم کی سالانہ محفل کے انعقاد کے بارے مشاورت کی ۔

اجلاس میں میلاد النبی صلی اللہ علیہ وسلم کے پروگرام کی ترتیب طے کی گئی جس کے مطابق پانچ بجے تلاوتِ قرآن کریم سے محفل کا آغاز ہو گا جس کے بعد مختصر محفل نعت ہو گی جس میں بارسلونا کے نامور نعت خواں آقا ءدوجہاں صلی اللہ علیہ وسلم کی بارگاہ میں ہدیہ عقیدت پیش کریں گے محفل نعت کے اختتام پر PTV کے معروف نعت خوان اور منہاج نعت کونسل بارسلونا کے رکن محمد قدیر احمد خان منہاج القرآن بارسلونا کے طلبہ کے ہمراہ اپنے منفرد انداز میں ہدیہ نعت پیش کریں گے 6:15 پر نماز عصر باجماعت ادا کی جائے گی جس کے فوراً بعد علامہ ظہیر احمد نقشبندی (مرکزی نائب ناظم دعوت و تربیت منہاج القرآن انٹرنیشنل)کا خطاب ہو گا جس کے بعد عمرہ کوپن کے لیے قرعہ اندازی کی جائے گی محفل کا اختتام درود و سلام اور ضیافتِ میلاسے کیا جائے گا۔

منہاج القرآن بارسلونا کے ناظم تعلقاتِ عامہ محمد اقبال چوہدری نے اجلاس کو بتایا کہ اس محفل میں حسب سابق اسپورٹس ہال کے اندر خواتین کے لیے الگ انتظام ہو گا، خواتین اسپورٹس ہال کے ایمرجنسی دروازوں سے داخل ہونگی ، انہوں نے بتایا کہ اسپورٹس ہال کو خوبصورت بینرز اور سٹیج سے سجایا جائے گا، منہاج یوتھ لیگ سپین کی نظامتِ پروڈکشن کی جانب سے شیخ الاسلام ڈاکٹر محمد طاہر القادری کی VCDsپر مشتمل اسٹال بھی لگایا جائے گا ۔

اجلاس میں سیکریٹری جنرل نوید احمد اندلسی نے بتایا کہ منہاج یوتھ لیگ سپین کے تعاون سے بارسلونا سنٹر میں محفل میلا د النبی صلی اللہ علیہ وسلم کی بھرپور تشہیر جاری ہے اور نوجوان اس کام کو احسن طریقہ سے سر انجام دے رہے ہیں اس کے علاوہ انٹرنیٹ پربھی اس محفل کی تشہیر کا کام جاری ہے جہاں جذبہ انٹرنیشنل، میزبان اور گجرات لنک جیسے آن لائن اخبارات کے تعاون سے اس محفل کی خبر عوام تک پہنچائی جا رہی ہے ۔

اس اجلاس میں حاجی مظہر حسین، چوہدری محمد رمضان، محمد نواز کیانی، نوید احمد اندلسی، محمد اقبال چوہدری، حاجی محمد نذیر اداسی، شاہین ملک، محمد عتیق الرحمان، محمد ارشد نواز، ارشد محمود قاری عبد الرحمان ا ور حاجی لیاقت علی نے شرکت کی ۔

یاد رہے کہ منہاج القرآن بارسلونا کے تحت سالانہ محفل میلاد النبی صلی اللہ علیہ وسلم کا انعقاد ہر سال کیا جاتا ہے اور یہ اس سلسلے کا 12ہواں سال ہو گا ، میلاد النبی صلی اللہ علیہ وسلم کے اس اجتماع میں گزشتہ سال 1500 سے زائد افراد نے شرکت کی تھی ۔

منہاج القرآن انٹرنیشنل سپین بارسلونا کے امیر علامہ عبد الرشید شریفی 2 ماہ کے نجی دور پر پاکستان روانہ ہو گئے ہیں ، ائیر پورٹ پر منہاج القرآن انٹرنیشنل سپین بارسلونا کے عہدیداران اور منہاج یوتھ لیگ سپین کے نوجوانوں نے ان کو الوداع کیا جن میں محمد نوازکیانی (سرپرست)،نوید احمد(سیکریٹری جنرل)، ڈاکٹر ذوالفقار علی(نائب ناظم)، حاجی لیاقت علی ، محمد عتیق(صدر یوتھ لیگ)، محمد شفیق، محمد علی کے علاوہ منہاج القرآن انٹرنیشنل کے مرکزی نائب ناظم دعوت و تربیت علامہ ظہیر احمد نقشبندی بھی موجود تھے جو کہ ان دنوں سپین کے دعوتی و تربیتی دورہ پر ہیں ۔

خطیب منہاج اسلامک سنٹر بارسلونا اپنے نجی دورہ کے دوران پاکستان میں منہاج القرآن کے زیرِ اہتمام ہونے والی عالمی میلاد کانفرنس میں شرکت کے علاوہ شیخ الاسلام ڈاکٹر محمد طاہر القادری سے ملاقات بھی کریں گے ۔

علامہ عبد الرشیدشریفی کی غیر موجودگی میں منہاج اسلامک سنٹر بارسلونا میں علامہ محمد عابد نقشبندی امامت و خطابت اور بچوں کو قرآن کی ناظرہ و حفظ کی تعلیم کے فرائض سر انجام دیں گے ۔

یاد رہے کہ علامہ عبد الرشید شریفی گزشتہ 2005 سے منہاج القرآن انٹرنیشنل سپین کے تحت جامع مسجد منہاج القرآن اور منہاج اسلامک سنٹر بارسلونا میں امامت و خطابت کی ذمہ داری پر فائز ہیں اور گزشتہ جنوری 2008 میں ہونے والی تنظیم سازی میں علامہ عبد الرشید شریفی کو منہاج القرآن انٹرنیشنل سپین بارسلونا کا امیر مقرر کیا گیا تھا ۔

منہاج القرآن انٹرنیشنل کے مرکزی سنیئر نائب ناظم دعوت و تربیت علامہ ظہیر احمد نقشبندی سپین کے 1 ماہ کے دعوتی و تربیتی دورہ پر جمعرات28 فروری کو بارسلونا پہنچے تو ائیر پورٹ پر منہاج القرآن انٹرنیشنل سپین بارسلونا کی تنظیم کے ذمہ داران اور منہاج یوتھ لیگ نوجوانوں نے ان کا پرتپاک استقبال کیا ۔
اس موقع پر منہاج القرآن انٹرنیشنل سپین بارسلونا کی طرف سے (امیر )علامہ عبد الرشیدشریفی، (سرپرست )محمد نوا ز کیانی، ( صدر) حاجی مظہر حسین، (سیکریٹری جنرل) نوید احمدکے علاوہ( ناظمِ ممبر شپ )حاجی محمد نذیر اداسی، (ناظم مالیات )ارشد محمود، (ڈرائیور)غفران اعظم کیانی، (ناظم نشرو اشاعت )محمد ارشد نوازاور (ممبر یوتھ لیگ )محمد ذیشان موجود تھے ۔مرکزی نظامت دعوت منہاج القرآن انٹرنیشنل کے نائب ناظم جیسے ہی بارسلونا ائیر پورٹ سے باہر نکلے تو میزبان تنظیم کی طرف سے علامہ عبد الرشید شریفی نے ان کو پھول پیش کر کے ان استقبال کیا ۔

علامہ ظہیر احمد نقشبندی سپین میں اپنے قیام کے دوران گزشتہ ماہ علامہ محمد ادریس راناکی آمد پر آغاز کردہ دروسِ قرآن کو بھی جاری رکھیں گے اور بارسلونا کے علاوہ سپین کے دیگر شہروں میں محافلِ میلاد سے بھی خطاب فرمائیں گے ان میں بادالونا، سانتا کولوما، تورتوسا، سابادیل، تیراسا، گاندیا ، ولینسیا، لوگرونیو، برگوس، ویتوریا، میڈرڈ، لیناریس، آرگاندا اور قرطبہ شامل ہیں ۔

یاد رہے کہ منہاج القرآن انٹرنیشنل سپین بارسلونا کے زیرِ اہتمام میلاد النبی کا مرکزی پروگرام 30 مارچ بروز اتوار کو اسپورٹس ہال Raval میں ہی ہو گا ۔

«سفیرِ امن شیخ الاسلام ڈاکٹر محمد طاہر القادری کی 57ویں سالگرہ کے سلسلے میں منہاج اسلامک سنٹر بارسلونا میں تقریب کا انعقاد مورخہ 17فروری بروز اتوار کو کیا گیا ،اس میں شرکت کے لیے جمعہ المبارک کے اجتماعات پر اعلانات کے علاوہ انٹرنیٹ، ٹیلیفون اور ذاتی روابط کے ذریعے لوگوں کو دعوت دی گئی ۔

«سالگرہ کی تقریب کے دن منہاج اسلامک سنٹر کے پچھلے حصے سے قالین ہٹا کر 150کرسیاں رکھی گئیں۔

«تقریب کے دوران منہاج اسلامک سنٹر کو 3 حصوں میں تقسیم کیا گیا، پہلا حصہ نماز کے لیے ، دوسرا حصہ مردوں کے بیٹھنے کے لیے اور تیسرا حصہ خواتین کے لیی۔

«تقریب میں دیوار کے ساتھ ڈائس اور 3 کرسیاں لگائی گئیں، ڈائس پر علامہ عبد الرشید شریفی جبکہ کرسیوں پر علامہ محمد ادریس رانا ، محمد نواز کیانی اور حاجی مظہر حسین موجود تھے۔

«تقریب کے دن منہاج اسلامک سنٹر بارسلونا کو مختلف رنگ کی جھنڈیوں سے سجایا گیا۔ اس موقع پر منہاج یوتھ لیگ اور منہاج چلڈرن لیگ کی جانب مرکز کی دیواروں پر مبارک باد کے پیغامات آویزاں کیے گئے ۔

«تقریب میں نقابت امیر منہاج القرآن بارسلونا علامہ عبد الرشید شریفی نے کی، تلاوت علامہ محمد عابد نقشبندی نے اور نعتِ رسول مقبول پیش کرنے کی سعادت مرزا اصغر بیگ نے حاصل کی ۔

«تقریب میں منہاج القرآن بارسلونا کے علاوہ دیگر تنظیمات کے نمائندگان نے بھی شرکت کی جن میں پاک کتالان ایسوسی ایشن، ادارہ ہم وطن، پاک پختون کتالان ایسوسی ایشن شامل ہیں اس کے علاوہ پاکستانی صحافی برادری نے بھی تقریب میں خصوصی دعوت پر شرکت کی جن میں جذبہ انٹرنیشنل کے شاہد احمد شاہد، میزبان انٹرنیشنل کے حافظ عبد الرزاق صادق ، ہم وطن کے ممتاز منیر ملہوترہ اور دیگر شامل تھی۔

«تلاوت و نعت کے بعد منہاج القرآن سکول کے طلبہ نے "ظلمت آفاق میں چمکے گا طاہر قادری" ترانہ پیش کیا جس کو حاضرین نے بہت پسند کیا ۔

«تقریب کے دوران پروجیکٹر پر حضور قدوۃ الاولیاءطاہر علاؤ الدین قادری(رح)، شیخ الاسلام ڈاکٹر محمد طاہر القادری ، منہاج القرآن بارسلونا کے قائدین اور منہاج یوتھ لیگ کے اجلاس کی تصاویر چلتی رہیں۔

«علامہ محمد ادریس رانا، محمد نواز کیانی، اور حاجی مظہر حسین کے سامنے میز پر شیخ الاسلام ڈاکٹر محمد طاہر القادری کے نام والے رنگا رنگ کاغذات موجود تھے جو کہ منہاج سکول کے کم سن طلبہ و طالبات کی طرف سے بنائے گئے تھے۔

«تقریب میں مہمانِ خصوصی محترم علامہ محمد ادریس رانا ، مرکزی ناظم دعوت منہاج القرآن انٹرنیشنل کے علاوہ پاک کتالان ایسوسی ایشن کے صدر محترم خالد شہباز چوہان، ادارہ ہم وطن کے ڈائریکٹرمحترم جاوید مغل، منہاج القرآن بارسلونا کے محترم علامہ خان محمد چشتی اور محمد اقبال چوہدری نے تقاریر کیں جن کو بات کرنے کے لیے 5 سے 8 منٹ کا وقت دیا گیا ۔

«مہمانِ خصوصی علامہ محمد ادریس رانا نے خطاب کیا جس میں انہوں نے اپنے دورہ سپین کے دوران ہونے والے تحریکی کام پر منہاج القرآن سپین کی تمام تنظیمات کو خصوصی مبارک باد دی اور بتایا کہ یہ انتہائی خوشی کی بات ہے کہ اس دوران 150 سے زائد افراد نے منہاج القرآن کی لائف ممبر شپ لینے کا اعلان کیا ہی۔

«نقیبِ محفل علامہ عبد الرشید شریفی نے شرکاءمحفل کے ساتھ مل کرہاتھ اوپر اوپر اٹھا کر یہ تجدیدی جملہ دہرایا "ہم اپنے قائد سے تجدید عہد کرتے ہیں کہ مصطفوی مشن کی منزل کے حصول کے لیے اپنی زندگی کے آخری سانس اور لہو کے آخری قطرے تک مصروف جد و جہد رہیں گی"۔

«گزشتہ سال اعتکاف کے موقع پر منہاج القرآن انٹرنیشنل سپین بارسلونا کو شیخ الاسلام ڈاکٹر محمد طاہر القادری کی طرف سے دی جانے والی شیلڈ تنظیم کے صدر کے حوالے کی گئی، جو کہ شیخ السلام کے دستِ مبارک سے اس وقت کے صدرِ مجلسِ شوریٰ میاں برکات احمد نےوصول کی تھی، اس موقع پر پروجیکٹر پر میاں برکات احمد کی شیخ الاسلام ڈاکٹر محمد طاہر القادری سے شیلڈ وصول کرتے وقت کی تصویر چلائی گئی۔

«تقریب کے شیڈول کے مطابق نمازِ مغرب کی ادائیگی کے بعد اور تقریب کے اختتام سے قبل شیخ الاسلام ڈاکٹر محمد طاہر القادری کا خطاب شامل تھا تاہم وہ کسی وجہ سے نہیں ہو سکا ان کی جگہ صاحبزادہ حسین محی الدین قادری نے ٹیلی فونک خطاب کیا جس کا دورانیہ1گھنٹے پر مشتمل تھا ۔

«منہاج القرآن انٹرنیشنل سپین بارسلونا کے سرپرست محمد نواز کیانی ، صدر حاجی مظہر حسین ، سیکریٹری جنرل نوید اصغر، علامہ عبد الرشید شریفی اور علامہ محمد ادریس رانا نے کیک کاٹا ، کیک کاٹتے وقت منہاج اسلامک سنٹر ہسپانوی زبان میں سالگرہ مبارک کے الفاظ Cumpleaños Feliz سے گونج اٹھا۔

«منہاج یوتھ لیگ کی انتظامیہ نے حاضرین کو اپنی نشستوں پر ہی کیک اور مٹھائی پہنچائی تاکہ نظم و ضبط قائم رہ سکی۔

«تقریب کے دوران منہاج چلڈرن لیگ اور منہاج القرآن کے طلبہ کی جانب سے زبر دست نعرے بازی کی گئی جن میں انقلاب انقلاب مصطفوی انقلاب، ہم بیٹے کس کے طاہر کی، ہم بازو کس کے طاہر کی، دین حق کا ہے ولی طاہر القادری، مجدد رواں صدی طاہر القادری، مصطفی کی ہے کلی طاہر القادری اور جرات و بہادری طاہر القادری کے نعرے شامل تھے ۔

«نمازِ عشاءسے قبل حافظ علامہ عبد الرزاق نقشبندی نے خصوصی دعا فرمائی جس سے تقریب اپنے اختتام کو پہنچی ۔